02.07.2026 | 16:12
Նախագահ Վահագն Խաչատուրյանը մի շարք օրենքներ է ստորագրել
Ոչ մի լավ նախաձեռնություն կիսատ չի մնացել․ տրանսպորտի նախարարը՝ իր նախորդների ծրագրերի մասին. ՏԵՍԱՆՅՈՒԹ
Տնտեսություն
17.04.2019 | 12:45
Այլևս կարիք չի լինելու տեխզննման կտրոնը փակցնել մեքենայի դիմապակուն, բազայում բոլոր տվյալները լինելու են: Այսօր հրավիրված ասուլիսում այս մասին ասաց ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը՝ անդրադառնալով մեքենաների տեխզննման համակարգում փոփոխությանը:
«Օնլայն բազան լինելու է, հստակ երևալու է, թե մեքենան երբ, որտեղ, ինչ չափանիշներով է թեստավորում անցել և ինչ խնդիրներ է ունեցել»,- ասաց նախարարը:
Նրա խոսքով՝ ավտոմեքենաների տեխնիկական վիճակի հարցը պետք է բոլորին մտահոգի. «Կարծում եմ՝ կասկած չկա, որ մեզ անհրաժեշտ է իմանալ, թե մեքենաներն ինչ վիճակում են, դրանք շահագործման ենթակա են, թե՞ ոչ»: Միաժամանակ, նախարարությունը պատրաստվում է նաև փոփոխել մեքենաների տեխզննության պարբերականությունը:
Հարցին, որ ներկայացված նախագծերը ծագել են դեռևս նախորդ նախարարների օրոք, ի՞նչ պատճառով դրանք կիսատ մնացին, Հակոբ Արշակյանը պատասխանեց. «Ինչպես տեսնում եք՝ կիսատ չեն մնացել: Ոչ մի լավ նախաձեռնություն կիսատ չի մնացել, շարունակում ենք, հասունացնում ենք, որ բերենք տրամաբանական ավարտին»:
Մանրամասները՝ տեսանյութում:
