17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
«Սպայկայի» 7 միլիարդն աճելու է․ Դավիթ Անանյան. ՏԵՍԱՆՅՈՒԹ
Հասարակություն
11.04.2019 | 12:30
ՊԵԿ նախագահ Դավիթ Անանյանը չի ցանկանում կանխատեսել, թե քննության արդյունքում, ի վերջո, որքան կլինի «Սպայկա» ՍՊԸ-ի հարկային պարտավորությունների չափը, որոնք ընկերությունը խուսափել է կատարել: Անանյանն այս մասին ասաց Կառավարության նիստից հետո տեղի ունեցած ճեպազրույցում՝ արձագանքելով դիտարկմանը, թե վարչապետը խոսել է մինչև 40 մլրդ դրամի մասին:
«Նման թեմաների շուրջ կանխատեսումներ անելը ճիշտ չէ: Վարչապետը զրույցի ժամանակ ասաց՝ 7, 10, 14, 24, 30 մլրդ: Նա թվեր հնչեցրեց, որպեսզի հանրությունն իմանա, որ այդ 7 միլիարդը, որը հաշվարկի հիմքում դրված է, ուղղակի 2015 թվականին առնչվող հաշվարկ է: 2015-ին վերաբերող փաստաթղթերն ունենք, որոնց հիման վրա էլ այդպիսի հաշվարկ է կատարվել»,- ասաց ՊԵԿ ղեկավարը:
Հիմա, ըստ նրա, ձեռք են բերում 2.5 տարվա ժամանակաշրջանի փաստաթղթերը, որից հետո հաշվարկներ կկատարվեն և արդյունքների մասին կտեղեկացնեն:
Ճշտող հարցին՝ այսինքն՝ չի բացառվում, որ այդ 7 միլիարդն աճելու է, Դավիթ Անանյանը պատասխանեց. «Ոչ միայն չի բացառվում, այլև աճելու է»:
Մանրամասները՝ տեսանյութում:
Աղավնի Սուքիասյան
