10.09.2026 | 14:30
ԵՄ-ում տների կարճաժամկետ վարձակալությունը կարող է սահմանափակվել՝ զսպելու անշարժ գույքի գների արհեստական աճը
ՊՎԾ նախկին կալանավորված աշխատակիցը աշխատանքի չի գնում. Դավիթ Սանասարյան. ՏԵՍԱՆՅՈՒԹ
Հասարակություն
09.04.2019 | 14:39
Հուսով եմ, որ նոր Հայաստանում անկախ դատավարություն կիրականացվի: Լրագրողների հետ զրույցում այս մասին ասաց Պետական վերահսկողական ծառայության պետ Դավիթ Սանասարյանը, որն այսօր վկայի կարգավիճակով դատարան էր կանչվել Անդրիաս Ղուկասյանի գործով:
Այս գործով Դավիթ Սանասարյանը նախ մեղադրյալի կարգավիճակ ուներ, հետո կարգավիճակը փոխվեց վկայի: Հարցին՝ ինչպե՞ս է բնութագրում գործը, ՊՎԾ ղեկավարը պատասխանեց. «Իմ ելույթից, հարցերի պատասխաններից տեսաք, որ դա սարքված գործ էր: Պետք է անպայման մեղավորներ գտնեին, իրենք իրենց մեղավոր չէին համարելու: Այն ժամանակ ես 21 օր ազատազրկվեցի, և ինձ համար ակնհայտ էր՝ ինչ է կատարվում, բայց այդ ամենը գիտակցելով՝ որևէ պահի չեմ դադարել պայքարել: Այն ժամանակվա համար նորմալ վիճակ էր»:
Լրագրողները հետաքրքրվեցին՝ ՊՎԾ նախկին կալանավորված աշխատակից Գևորգ Խաչատրյանը, որի խափանման միջոցը փոխվել է, աշխատանքի հաճախո՞ւմ է, ինչին Սանասարյանը բացասական պատասխան տվեց՝ միաժամանակ հավելելով, որ նրան աշխատանքից չի ազատել. «Ծառայողական քննություն է իրականացվում: Եթե չներկայանա աշխատանքի, բնականաբար, կազատվի»:
Մանրամասները՝ տեսանյութում:
Լիլիթ Շաբոյան
