26.11.2024 | 12:23
QR ուղետոմսերի վավերականության ժամկետը կնվազեցվի՝ դառնալով 7 օր
Գյումրիի բյուջեն 3 միլիարդ է, երեկ ՊԵԿ-ին որպես պարգևավճար տրվեց 2,3 միլիարդ, սա նորմա՞լ է. ՏԵՍԱՆՅՈՒԹ
Քաղաքականություն
05.04.2019 | 14:39
«Երեկ իմացանք, որ ՊԵԿ -ին որպես պարգևավճար տրվել է 2,3 միլիարդ դրամ՝ առանց որևէ բացատրության, այն դեպքում, երբ մեր համայնքի՝ Գյումրիի բյուջեն ընդամենը 3 միլիարդ դրամ է / 3,3 խմբ․/սա նորմա՞լ է, պարոն վարչապետ, սա օրինաչա՞փ է, երբ մի գերատեսչության պարգևավճարն ավելին է, քան մի ամբողջ քաղաքի բյուջեն»,- Գյումրի կատարած այցի ընթացքում տեղի լրագրողներից մեկն այսպիսի հարց ուղղեց Փաշինյանին, ինչին վերջինս արձագանքեց․
«Այո, օրինաչափ է, եթե հաշվի առնենք, որ այդ գերատեսչության առջև խնդիր է դրված 40 միլիարդից ավելի հավաքել, որը պիտի ծախսվի՝ այդ թվում և Գյումրիում։ Դա ինչի՞ է տրվել, տրվել է ի պատասխան այն գործողության, ինչի շնորհիվ մենք այս տարի ունենալու ենք 40 միլիարդ դրամի գերակատարում, որի արդյունքում ուսուցիչների աշխատավարձն է բարձրանալու, այդ թվում ՝Գյումրիի, որի արդյունքում զինծառայողների աշխատավարձն է բարձրանալու, այդ թվում՝ Գյումրիի, որի արդյունքում 310 կմ ճանապարհ է վերանորոգվելու՝ այդ թվում Գյումրիի»։
Մանրամասները՝ տեսանյութում:
Նարեկ Կիրակոսյան
