02.07.2026 | 15:39
Եվրոպա գնացող ՔՊ-ի մտքով ո՞նց է անցել այս կարգավորումը, որից աշխարհը հրաժարվում է․ Քրիստինե Վարդանյան․ ՏԵՍԱՆՅՈՒԹ
Տիկնայք և պարոնայք Ձեր ենթականերն ինչո՞ւ չեն կատարել հանձնարարականները․ Փաշինյանը՝ նախարարներին․ ՏԵՍԱՆՅՈՒԹ
Հասարակություն
04.04.2019 | 12:19
Վարչապետ Նիկոլ Փաշինյանն այսօր Կառավարության նիստում անդրադարձավ սահմանված ժամկետներում նպաստները չտրամադրելու հետ կապված խնդիրներին՝ հարց հնչեցնելով, իսկ ինչո՞վ է պայմանավորված այդ ուշացումը։
Ե՛վ աշխատանքի և սոցիալական հարցերի նախարար Զարուհի Բաթոյանը, և՛ ֆինանսերի նախարար Ատոմ Ջանջուղազյանը մանրամասնեցին, որ հանձնարարականները նպաստները բաշխելու վերաբերյալ իրենց նախարարություններից եղել են, իսկ նպաստների տրամադրումն այլ համակարգով իրականացնելու համար մարզպետարաններն արդեն պետք է ներդնեին էլեկտրոնային ստորագրության համակարգը, ինչը չեն արել, որով էլ պայմանավորված է նպաստների տրամադրման ուշացումները։
Լսելով նախարարների պարզաբանումը՝ վարչապետ Փաշինյանը հարց հնչեցրեց․ «Տիկնայք և պարոնայք, Ձեր ենթականերն ինչո՞ւ չեն կատարել հանձնարարականները»:
Ապա դառնալով տարածքային կառավարման և զարգացման նախարար Սուրեն Պապիկյանին՝ հրահանգեց ներկայացնել մարզպետարանների այն աշխատակիցների ցուցակները, որոնք թերացել են իրենց աշխատանքում՝ նշելով, որ այդ մարդիկ օպտիմալացման արդյունքում կզրկվեն իրենց ախատանքից։
«Բա որ ասում ենք պետական ապարատում լիքը անգործ մարդ կա․ ասում եք՝ այդպես չէ»,- խոսքը եզրափակեց վարչապետը։
Մանրամասները՝ տեսանյութում։
Աղավնի Սուքիասյան
