05.11.2024 | 15:41
Արմեն Գրիգորյանը հանդիպել է իրանական վերլուծական կենտրոնների փորձագետների հետ
Դավիթ Անանյանը՝ ՊԵԿ-ում ապրիլին սպասվող պարգևատրումների և իմքայլական պատգամավորի հայտարարության մասին․ ՏԵՍԱՆՅՈՒԹ
Տնտեսություն
03.04.2019 | 16:23
Պետական եկամուտների կոմիտեում այս շաբաթվա վերջին պարգևատրումներ կլինեն այնպես, ինչպես որ եղել են յուրաքանչյուր ամիս․ վճարելու ենք այն, ինչը մեզ օրենսդրությամբ թույլատրվում է։ Այս մասին այսօր հրավիրված մամուլի ասուլիսի ժամանակ, պատասխանելով հարցին՝ արդյոք ապրիլի 7-ի կապակցությամբ նախատեսվա՞ծ են պարգևատրումներ, ասաց ՊԵԿ նախագահ Դավիթ Անանյանը։
Անդրադառնալով լրագրողի հարցին՝ կապված ԱԺ «Իմ քայլը» խմբակցության պատգամավոր Սոֆիա Հովսեփյանի հայտարարության հետ, ըստ որի, ՊԵԿ աշխատակից Արմեն Հակոբյանը զգալի ֆինանսական միջոցների է տիրապետում՝ լինելով պետական ծառայող, Դավիթ Անանյանն ասաց, որ Արմեն Հակոբյանը 1994-2017 թվականներին աշխատել է համակարգում, 2017 թվականին համակարգից դուրս է եկել և մեկ տարի զբաղվել է ակտիվ քաղաքացիական գործունեությամբ և ՊԵԿ-ում աշխատանքի է անցել իր հրավերով։
Իսկ ինչ վերաբերում է նրա վաստակած գումարներին՝ ՊԵԿ նախագահը հավելեց․ «Ցանկացած անձի վերաբերյալ, եթե կա տեղեկատվություն, որ նա ստացել է ապօրինի կամ կասկածելի ծագմամբ եկամուտներ, հորդորում եմ այդ մասին տեղյակ պահել համապատասխան մարմիններին»։
Մանրամասները՝ տեսանյութում:
Աղավնի Սուքիասյան
