14.12.2025 | 18:20
Թաիլանդն ու Կամբոջան շարունակում են ռազմական գործողությունները
Վրաց-ադրբեջանական սահմանի 34%-ը համաձայնեցված չէ
Քաղաքականություն
02.04.2019 | 22:58
Վրաստանն ու Ադրբեջանը դեռևս չեն համաձայնեցրել ցամաքային սահմանի 34 տոկոսը. գրում է aliq.g-ն:
Interpressnews-ին Վրաստանի արտգործնախարարությունից տեղեկացրել են, որ դելիմիտացիայի միջկառավարական հանձնաժողովի մակարդակով համաձայնեցված է սահմանի 66 տոկոսը, այժմ շարունակվում են բանակցությունները մնացած հատվածների շուրջ:
ԱԳՆ-ն նշում է նաև, որ այս պահին երկու երկրներն էլ փոխում են սահմանագծման հանձնաժողովի կազմը։
«Այժմ հանձնաժողովի կազմը թարմացվում է, հավանաբար, մոտ ապագայում գործընթացը կվերսկսվի: Մինչև դելիմիտացիայի վերջնական ձեռք բերումը, պետական սահման է դիտարկվում ԽՍՀՄ-ի ժամանակաշրջանի հանրապետական, վարչական սահմանագիծը, որի համաձայն էլ իրականացվում է սահմանի պաշտպանությունը»,- հայտարարել են Վրաստանի ԱԳՆ-ից:
Հիշեցնենք, Վրաստանի և Ադրբեջանի սահմանի դելիմիտացիայի հարցը օրակարգ եկավ Վրաստանի և Ադրբեջանի նախագահների հանդիպմանը: Սալոմե Զուրաբիշվիլին Բաքվում հայտարարել էր, որ ժամանակն է Ադրբեջանի հետ սահմանի հարցը լուծել:
