22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Ռուսաստանցիները կարող են վիզա ստանալ այլ երկրներում. ԱՄՆ դեսպանատուն
Քաղաքականություն
23.08.2017 | 12:38
Ռուսաստանցիները ամերիկյան վիզա ստանալու համար կարող են դիմել ցանկացած այլ երկրի ԱՄՆ դեսպանատուն, որտեղ հայտերի ուսումնասիրման ժամկետները քիչ են, քան Մոսկվայում: «РИА новости»-ին պատասխանել են ԱՄՆ դեսպանատնից:
«Հյուպատոսարանի աշխատակիցը որոշում է կայացնում վիզաների վերաբերյալ անհատական ընթացակարգով՝ հետևելով ամերիկյան օրենսդրությանը: ԱՄՆ օրենքը չի արգելում Ռուսաստանի քաղաքացիներին վիզա ստանալու փաստաթղթեր ներկայացնել այլ երկրում»,- բացատրել են դեսպանատանը:
Ինչպես ավելի տեղեկացրել էր Factor.am-ը, որ ԱՄՆ-ն 2017 թվականի օգոստոսի 23-ից դադարեցնում է ոչ ներգաղթային վիզաների տրամադրումը Ռուսաստանում:
Ոչ ներգաղթային վիզաների տրամադրման ընթացակարգը կվերականգնվի սեպտեմբերից, սակայն կկարողանան դիմել միայն Մոսկվայի հյուպատոսարան: Իսկ Սանկտ Պետերբուրգի, Եկատերինբուրգի և Վլադիվոստոկի ԱՄՆ հյուպատոսարանները ժամանակավորապես կդադարեցնեն իրենց գործունեությունը: Նշվում է, որ սահմանափակումները կգործեն, քանի դեռ ԱՄՆ դիվանագետների թվաքանակը ՌԴ-ում չի ավելացվել:
Նշենք, որ ՌԴ արտաքին քաղաքական գերատեսչության ղեկավարը պատասխանել էր Վաշինգտոնի որոշմանը՝ խոստանալով չբարդացնել ԱՄՆ քաղաքացիների կողմից ռուսական վիզա ստանալու գործընթացը. « Մենք չարություն չենք թափի ԱՄՆ-ի քաղաքացիների վրա: Այսինքն՝ եթե մեկը հույս ուներ, որ տվյալ պարագայում վատ օրինակը վարակիչ կլինի, սխալ է հաշվարկել»:
