15.10.2026 | 17:07
Իհարկե օրինական է CPS բենզալցակայանը․ փաստաբան․ ՏԵՍԱՆՅՈՒԹ
ԱՄՆ-ը դադարեցնում է ոչ ներգաղթային վիզաների տրամադրումը ՌԴ-ում, Լավրովը հակառակը չի խոստանում
Քաղաքականություն
21.08.2017 | 15:31
ԱՄՆ-ն 2017 թվականի օգոստոսի 23-ից դադարեցնում է ոչ ներգաղթային վիզաների տրամադրումը Ռուսաստանի ամբողջ տարածքում. հայտնում է ria.ru-ն՝ հղում անելով ՌԴ-ում ԱՄՆ դեսպանատանը:
«Ռուսաստանում ԱՄՆ դիվանագիտական առաքելության աշխատակիցների թվաքանակի կրճատման վերաբերյալ ռուսական իշխանությունների որոշմամբ պայմանավորված, 2017 թվականի օգոստոսի 23-ից դադարեցվում է ոչ ներգաղթային վիզաների տրամադրումը Ռուսաստանում»,- ասված է դեսպանատան հաղորդագրությունում:
Ոչ ներգաղթային վիզաների տրամադրման ընթացակարգը կվերականգնվի սեպտեմբերից, սակայն կկարողանան դիմել միայն Մոսկվայի հյուպատոսարան: Իսկ Սանկտ Պետերբուրգի, Եկատերինբուրգի և Վլադիվոստոկի ԱՄՆ հյուպատոսարանները ժամանակավորապես կդադարեցնեն իրենց գործունեությունը: Նշվում է, որ սահմանափակումները կգործեն, քանի դեռ ԱՄՆ դիվանագետների թվաքանակը ՌԴ-ում չի ավելացվել:
ՌԴ արտաքին քաղաքական գերատեսչության ղեկավարը պատասխանել է Վաշինգտոնի որոշմանը՝ խոստանալով չբարդացնել ԱՄՆ քաղաքացիների կողմից ռուսական վիզա ստանալու գործընթացը: « Մենք չարություն չենք թափի ԱՄՆ-ի քաղաքացիների վրա: Այսինքն՝ եթե մեկը հույս ուներ, որ տվյալ պարագայում վատ օրինակը վարակիչ կլինի, սխալ է հաշվարկել»,- հայտարարել է Լավրովը:
