02.07.2026 | 16:32
ՔԿ-ն մանրամասներ է հայտնում գնդապետ Էդիկ Մալոյանի ձերբակալությունից
Ճիշտ չէ Փաշինյանի գնահատականը կապել դատավարական ընթացքի հետ. դատախազը՝ Մարտի 1-ի գործի՝ բացահայտված լինելու մասին. ՏԵՍԱՆՅՈՒԹ
Քաղաքականություն
29.03.2019 | 16:14
ՀՀ գլխավոր դատախազ Արթուր Դավթյանն Ազգային ժողովում լրագրողների հետ զրույցում պատասխանելով դիտարկմանը, որ երկրորդ նախագահ Ռոբերտ Քոչարյանի՝ դատական նիստերին մասնակցելը նախադեպային էր, քանի որ նման բան երբեք տեղի չէ ունեցել, ասաց:
«Իսկ նախկինում հիշո՞ւմ էիք, որ ՀՀ նախագահ քրեական հետապնդման ենթարկվի»: «Իրավական լուրջ վեճ էր ծավալվում, և այդ քննարկմանն իմ ներկայությունն անհրաժեշտ եմ համարել»,- ասաց նա:
Լրագրողի հարցին, թե 1996 թվականի ընտրությունների արդյունքներին անդրադարձ լինելո՞ւ է, քանի որ այս պահին ուսումնասիրվում են 1998 թվականի ընտրությունների արդյունքները, դատախազն ասաց. «Իսկ դրանց վերաբերյալ ունե՞նք երևան եկած նոր հանգամանքներ»:
Հարցին, որ եթե որևէ մեկն էլ բաց նամակ գրի 1996 թվականի ընտրությունների վերաբերյալ, ինչպես, օրինակ, Վահան Շիրխանյանը գրել էր 1998-ի մասին, այս դեպքո՞ւմ էլ դատախազությունը կուսումնասիրի, Արթուր Դավթյանը պատասխանեց:
«Ով ինչ գրի, որն իրավական գնահատականի անհրաժեշտություն ունի, դրան տրվելու է պատշաճ արձագանք»,- ասաց նա: Ինչ վերաբերում է Նիկոլ Փաշինյանի հայտարարություններին, թե Մարտի 1-ի գործը բացահայտված է, Արթուր Դավթյանն ասաց. «Դուք հիմա հարցը տալիս եք գլխավոր դատախազին, և ես պարզաբանեցին, թե քրեական գործն ինչ փուլում է գտնվում: Նիկոլ Փաշինյանը քրեադատավարական գործընթացի սյուբեկտ չէ, ճիշտ չէ նրա գնահատականը կապել գործի դատավարական ընթացքի հետ»:
Մանրամասները՝ տեսանյութում:
Նարեկ Կիրակոսյան
