02.07.2026 | 22:37
Վթարային ջրանջատում` Արարատի մարզում
Նազենի Ղարիբյանը որոշել է, որ ինձ անօրինական ձևով են նշանակել այս պաշտոնում․ Կոնստանտին Օրբելյանն իր ազատման մասին
Հասարակություն
29.03.2019 | 15:13
Մշակույթի նախարարի պարտականությունները կատարող Նազենի Ղարիբյանի՝ մարտի 28-ի հրամանով Կոնստանտին Օրբելյանն ազատվել է Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրենի պաշտոնից: Այս մասին այսօր հրավիրված մամուլի ասուլիսի ժամանակ ասաց Կոնստանտին Օրբելյանը։
«Երևի յուրաքանչյուր գրասենյակ իր ձևով է աշխատում ու, միգուցե, Նազենի Ղարիբյանը չգիտի, որ մենք «Արտավազդ» մրցանակ ենք ստացել: Ես վերջին մեկուկես տարվա ընթացքում եմ զբաղեցնում տնօրենի պաշտոնը, ու այն, ինչ մենք արել ենք այս ընթացքում աննկարագրելի է ցանկացած թատրոնի համար: Ցանկացած ներկայացում ես ինքս իմ միջոցներով եմ գնել: Նազենի Ղարիբյանը որոշել է, որ ինձ անօրինական ձևով են նշանակել այս պաշտոնում: Այսինքն, նա կարծում է, թե պետությունն ինձ նշանակելու իրավունք չուներ: Դա նրա անձնական կարծիքն է: Ինձ նախապես չէին զգուշացրել ազատման մասին: Մեր թատրոնը մեր փոքրիկ պետությունն է, այնպես որ, եթե կոլեկտիվը ցանկանում է, նրանք կարող են արտահայտել իրենց տեսակետը: Ես շատ բան եմ դրել այս թատրոնի մեջ, այնպես որ, ես դեռ այստեղ եմ` որպես գեղարվեստական ղեկավար»,- ասաց Օրբելյանը։
