12.07.2026 | 14:55
Հայաստանի պատվիրակությունը մասնակցում է ՄԱԿ-ի Կայուն զարգացման բարձր մակարդակի քաղաքական ֆորումին
Հնարավոր է Հայաստանում կապի 4-րդ օպերատոր լինի. քննարկվում է 200 մլն դոլարի ներդրումային ծրագիր
Քաղաքականություն
28.03.2019 | 14:44
Հնարավոր է հայաստանյան կապի շուկա մտնի չորրորդ օպերատոր:
Այս պահին տրանսպորտի, կապի եւ տեղեկատվական տեխնոլոգիաների նախարարությունը այս մասով առաջարկություն է ստացել, եւ եթե կողմերը համաձայնության գան, 200 մլն դոլարի ներդրում կկատարվի:
«Քննարկման փուլում է գտնվում, մարդ կա, որը հետաքրքրված է, իրենցից տեխնիկական առաջարկ ենք ակնկալում: Այդ առաջարկը ստանանք, կքննարկենք, թե իրենք ինչ բիզնես առաջարկ են անում»,-Factor.am-ի հետ զրույցում ասաց տրանսպորտի, կապի եւ ՏՏ նախարար Հակոբ Արշակյանը:
Հարցին՝ երբ պարզ կլինի, արդյո՞ք այդ ընկերությունը ներդրում անում է, թե՝ ոչ, նախարարն ասաց. «Գիտեք, նման հարյուրավոր պրոյեկտներ կան, որոնք առաջարկում են եւ քննարկվում են: Միայն մեզանից կախված չէ, կախված է ամբողջ քննարկման տրամաբանությունից»:
Այս ներդրումային ծրագրի հետ կապված տեղեկություններ էին շրջանառվել, որ նախարար Արշակյանը խոչընդոտել է ներդրումային ծրագրին, որովհետեւ այն կվնասի մյուս երեք օպերատորներին: Հակոբ Արշակյանը մեզ հետ զրույցում ասաց, որ այդ տեղեկությունը իրականությանը չի համապատասխանում:
Նարեկ Կիրակոսյան
