22.05.2026 | 20:47
Գորիսում ընտրական իրավունքի իրականացումը խոչընդոտելու գործով հետախուզվում է քրեական հեղինակություն Արտեմ Դոռունցը. ՆԳՆ
Բանտով անցած մարդ եմ, հույս ունեմ որևէ մեկն իր հոտառությունը չի կորցրել․ ՀՀ վարչապետ․ ՏԵՍԱՆՅՈՒԹ
Քաղաքականություն
28.03.2019 | 13:59
Հայաստանում կառավարությունների և դրանց ղեկավարների տրամաբանությունը, համենայն դեպս, կողքի աչքով նայողի համար, մշտապես եղել է իշխանությունը պահելը և ամբողջ կառավարությունների գործողությունների տրամաբանությունը ձևավորվել է դրա շուրջ, ինչի համար եղել են կեղծված ընտրություններ, կոռուպցիա և քաղբանտարկյալներ։
Այս մասին այսօր Ազգային ժողովում ասաց վարչապետ Նիկոլ Փաշինյանը՝ նշելով, որ իրենց և անձամբ իր օրակարգում նման հարց գոյություն չունի։
«Իմ օրակարգում ընդհանրապես գոյություն չունի։ Եթե հանկարծ որևէ պահի այդ հարցն իմ օրակարգում հայտնվի, ես կհամարեմ, որ այն ճանապարհը, որն անցել եմ, իզուր էր, հետևաբար պետք է օգտագործենք մեր ժամանակն ու ջանքը երկրում փոփոխություններ անելու համար։ Կրկնում եմ, ՀՀ-ում ընտրություններ չեն կեղծվելու երբեք, իմ օրակարգում իշխանություն պահելու հարց չի կարող լինել, բայց սա չի նշանակում, որ մենք որևէ կերպով կհրաժարվենք մինչև վերջ տանել»,- ասաց Նիկոլ Փաշինյանը։
Կառավարության և իր քաղաքավարությունն էլ թուլության հետ շփոթողներին վարչապետ Փաշինյանը հիշեցրեց․«Ես բանտով անցած մարդ եմ, հույս ունեմ որևէ մեկն իր հոտառությունը չի կորցրել»։
Մանրամասները՝ տեսանյութում:
Աղավնի Սուքիասյան
