08.12.2025 | 17:09
Պետությունն ուժեղ է նաև ձեր վրձնահարվածով ձևավորված արժեհամակարգով․ նախարարի ուղերձը՝ Նկարիչների միջազգային օրվա կապակցությամբ
Անարդարության զգացում կա մթնոլորտում. Նիկոլայ Բաղդասարյանը՝ ՍԴ անդամի թեկնածուի մասին. ՏԵՍԱՆՅՈՒԹ
Հասարակություն
26.03.2019 | 13:04
Ազգային ժողովի «Իմ քայլը» խմբակցության պատգամավոր Նիկոլայ Բաղդասարյանը կարծում է, որ անարդարության զգացում կա՝ կապված ՍԴ անդամի՝ նախագահի առաջարկած թեկնածուի հետ:
«Սահմանադրության համաձայն՝ նախագահը կարող է որոշում կայացնել, թե ում է նախընտրում տեսնել Սահմանադրական դատարանի անդամի պաշտոնում: Այստեղ ես չեմ կարող որևէ բան ասել, բայց անարդարության զգացում կա մթնոլորտում, որովհետև երբ առաջադրվել էր Վահե Գրիգորյանի թեկնածությունը, ընդամենը քվորում չլինելու հետևանքով է, որ նա չի անցել: Հետևաբար՝ նախագահի կամքն արտահայտվել է, ԱԺ-ն այդ հարցին չի պատասխանել քվորումի բացակայության պատճառով: Այսինքն՝ հանրապետության նախագահն իրավունք ուներ ևս մեկ անգամ իր թեկնածությունը պնդելու»,- ասաց պատգամավորը:
Հարցին՝ «Իմ քայլը» խմբակցությունը կողմնորոշվել է՝ ինչպե՞ս է քվեարկելու Գոռ Հովհաննիսյանի թեկնածությանը, Նիկոլայ Բաղդասարյանը դժվարացավ պատասխանել:
Մանրամասները՝ տեսանյութում:
Մհեր Արշակյան
