14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Շփման գծում նկատվել է լարվածության աճ, հակառակորդը կիրառել է 60 միլիմետրանոց ականանետ և հաստոցավոր ավտոմատ նռնականետ. Արցախի ՊՆ
08.05.2017 | 10:23
Մայիսի 6-ին, 7-ին և լույս 8-ի գիշերը արցախա-ադրբեջանական հակամարտ զորքերի շփման գծում նկատվել է լարվածության աճ: Հակառակորդը տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է շուրջ 160 անգամ՝ հայ դիրքապահների ուղղությամբ արձակելով ավելի քան 2600 կրակոց. տեղեկացնում է ԱՀ ՊՆ մամուլի ծառայությունը:
Շփման գծի արևելյան ուղղությամբ, բացի հրաձգային զինատեսակներից, ադրբեջանական զինուժը մայիսի 7-ին կիրառել է նաև 60 միլիմետրանոց ականանետ (7 արկ) և հաստոցավոր ավտոմատ նռնականետ (7 արկ):
ՊԲ առաջապահ զորամասերը շարունակում են լիակատար վերահսկողություն պահպանել առաջնագծում և վստահորեն իրականացնել իրենց առջև դրված մարտական խնդիրը:
Այս պահի դրությամբ իրադրությունն առաջնագծում հարաբերական հանգիստ է:
ՀՀ ՊՆ մամուլի խոսնակ Արծրուն Հովհաննիսյանը ի հավելումն Արցախի ՊՆ-ի տարածած հաղորդագրության, ֆեյսբուքյան իր էջում արված գրառմամբ տեղեկացրել է, որ երեկ կրակոցներ են եղել նաև ՀՀ սահմանին: Այս պահին իրավիճակը հանգիստ է:
