15.12.2025 | 21:51
Ռուսաստանում Pussy Riot խումբը հայտարարվել է «ծայրահեղական կազմակերպություն»
Ղազախստանում բողոքում են մայրաքաղաքը Նուրսուլթան վերանվանելու դեմ. ցույցի մասնակիցներ են ձերբակալվել
Քաղաքականություն
21.03.2019 | 15:51
Ղազախստանի մայրաքաղաքում բողոքի ակցիաներ են անցկացվել՝ մայրաքաղաք Աստանան Նուրսուլթան վերանվանելու դեմ: Այս մասին գրում է Lenta-ն՝ վկայակոչելով Reuters-ը:
Մի քանի տասնյակ մարդ հավաքվել է Աստանայի քաղաքապետարանի շենքի առջև՝ անհամաձայնություն հայտնելու մայրաքաղաքի վերանվանման որոշմանը: Ցուցարարների և իրավապահների միջև քաշքշուկ է սկսվել, շուրջ 20 ցուցարար բերման է ենթարկվել:
Աստանան երկրի առաջին նախագահի անունով Նուրսուլթան կոչելու մասին օրինագիծը Ղազախստանի խորհրդարանն ընդունել է երեկ՝ մարտի 20-ին: Նախաձեռնությունը նախագահի լիազորությունները ստանձնած Քասըմ-Ժոմարտ Տոկաևինն է:
Հիշեցնենք, որ Նուրսուլթան Նազարբաևը մարտի 19-ին հրաժարվել է նախագահի պաշտոնից, սակայն կշարունակի գլխավորել երկրի Անվտանգության խորհուրդը:
