13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Պետերբուրգում «ականապատման» մասին ահազանգի պատճառով 5 դպրոց է տարհանվել
Քաղաքականություն
21.03.2019 | 14:30
Պետերբուրգի Կալինինյան շրջանում «ականապատման» մասին հաղորդման պատճառով 5 դպրոց է տարհանվել: Անանուն հաղորդագրությունն ուղարկվել է էլեկտրոնային փոստով: Այս մասին ՌԻԱ Նովոստիին հաղորդել են շրջանային վարչակազմի մամուլի ծառայությունից:
«Կինոլոգները ստուգում են դպրոցների տարածքը, տեղում աշխատում են նաև Ռոսգվարդիայի աշխատակիցները»,- ասել է գործակալության զրուցակիցը:
Ականատեսները սոցցանցերում գրում են, որ պայթյունի սպառնալիքի պատճառով փակվել է նաև Բոտկինսկի հիվանդանոցը:
Այս տարվա հունվար-փետրվարին էլ Ռուսաստանի տարբեր քաղաքներում «ականապատման» մասին զանգեր և հաղորդագրություններ էին ստացել վարչական և սոցիալական հաստատությունները:
Աղբյուրը հիշեցնում է, որ նման դեպք տեղի է ունեցել նաև շուրջ երկու տարի առաջ: Տեղադրված ականների մասին Ռուսաստանի տարբեր հաստատություններն ու առևտրի կենտրոնները սկսել էին զանգվածային ահազանգեր ստանալ 2017թ. սեպտեմբերի 11-ից: Հազարավոր առևտրի կենտրոններից, կայարաններից և այլ օբյեկտներից 2 մլն մարդ էր տարհանվել, սակայն պայթյունի ոչ մի սպառնալիք չէր հաստատվել:
