13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Թերեզա Մեյը ԵՄ-ին խնդրել է հետաձգել Brexit-ը
Քաղաքականություն
20.03.2019 | 18:28
Մեծ Բրիտանիայի վարչապետ Թերեզա Մեյը հայտարարել է, որ ԵՄ-ին խնդրել է հետաձգել Brexit-ը: Բրիտանական կառավարությունն այն մինչև հունիսի 30-ը հետաձգելու մասին պաշտոնական հարցում է ուղարկել ԵՄ-ին, գրում է ՏԱՍՍ-ը:
«Այսօր ես գրել եմ ԵԽ նախագահ Դոնալդ Տուսկին՝ տեղեկացնել այն մասին, որ Մեծ Բրիտանիան խնդրում է մինչև հունիսի 30-ը հետաձգել Brexit-ը»,- խորհրդարանում ասել է Մեյը:
Վարչապետը հավելել է, որ բրիտանական կառավարության նպատակը նախկինի պես խորհրդարանում Բրյուսելի հետ կնքված համաձայնագրի նախագծի հաստատումն է, որը հաստատվել է ԵՄ-ի նոյեմբերյան գագաթնաժողովում և երկու անգամ մերժվել Համայնքների պալատի կողմից:
Նախարարների կաբինետը մտադիր է երրորդ քվեարկությունը կազմակերպել: «Որպես վարչապետ՝ ես պատրաստ չեմ Brexit-ի ժամկետը հետաձգել հունիսի 30-ից ավելի»,- ընդգծել է Մեյը:
Նախապես ծրագրվում էր, որ Մեծ Բրիտանիան Եվրամիության կազմից վերջնականապես դուրս կգա մարտի 29-ին:
