26.11.2024 | 12:40
Առնվազն երեսպաշտություն է Վահե Հովհաննիսյանի կողմից. Վարազդատ Հարությունյան․ ՏԵՍԱՆՅՈՒԹ
Ղազախստանի խորհրդարանը մայրաքաղաք Աստանան Նուրսուլթան վերանվանելու մասին օրինագիծ ընդունեց
Քաղաքականություն
20.03.2019 | 15:16
Ղազախստանի խորհրդարանի զույգ պալատները մարտի 20-ի համատեղ նիստում ընդունել է երկրի առաջին նախագահ Նուրսուլթան Նազարբաևի պատվին մայրաքաղաք Աստանան Նուրսուլթան վերանվանելու մասին օրինագիծը: Այս մասին հաղորդում է ՏԱՍՍ-ը:
Խորհրդարանի վերին և ստորին պալատների պատգամավորներն առաջարկվող փոփոխություններին միաձայն կողմ են քվեարկել՝ նախագիծը քննարկելով առաջին և երկրորդ, վերջնական ընթերցմամբ:
Այսպիսով՝ օրենքն ընդունված է համարվել և ուղարկվել նախագահին՝ ստորագրման:
Նշենք, որ Ղազախստանի մայրաքաղաքը վերանվանելու նախաձեռնությամբ ավելի վաղ հանդես էր եկել հենց նորանշանակ նախագահ Քասըմ-Ժոմարտ Տոկաևը՝ «հանրապետության առաջին նախագահ Նուրսուլթան Նազարբաևի անունը հավերժացնելու» նպատակով:
Հավելենք, որ մարտի 19-ին նախագահի պաշտոնից Նուրսուլթան Նազարբաևի հրաժարական տալուց հետո այսօր երդվել և երկրի նախագահի լիազորությունները ստանձնել է Ղազախստանի Սենատի խոսնակ Քասըմ-Ժոմարտ Տոկաևը: Միաժամանակ, այսօր Սենատի խոսնակ է ընտրվել Նազարբաևի ավագ դուստրը՝ Դարիգա Նազարբաևան:
