25.11.2024 | 22:33
Լոնդոնը ներկայացրել է ՌԴ «ստվերային նավատորմի» դեմ միջոցառումների ամենամեծ փաթեթը
Թուրքիայի կողմից Հայաստանի սահմաններին վտանգ սպառնալու դեպքում ոտքի կկանգնի հայ-ռուսական միացյալ զորախումբը. Անդրանիկ Մակարյան
Քաղաքականություն
06.05.2017 | 19:06
Թուրքիայի կողմից Հայաստանի Հանրապետության սահմաններին վտանգ սպառնալու դեպքում ոտքի կկանգնի հայ-ռուսական միացյալ զորախումբը: Մայիսի 6-ին լրագրողների հետ հանդիպմանն այս մասին ասել է հայ-ռուսական միացյալ զորախմբի հրամանատար, գեներալ-մայոր Անդրանիկ Մակարյանը:
«Միացյալ զորախումբը պատրաստ է չեզոքացնել Թուրքիայի կողմից մեր սահմանների նկատմամբ ցանկացած հնարավոր սպառնալիք»,- «Արմենպրես»-ի հաղորդմամբ` նշել է Մակարյանը:
Անդրադառնալով թուրքական կողմի հայտարարություններին Նախիջևանում Ադրբեջանում ռազմաբազա տեղակայելու մասին` Անդրանիկ Մակարյանն ընդգծել է, որ թուրքական կողմի նման հայտարարությունները չպետք է զարմանք առաջացնեն, քանի որ նման գործելաոճը նրանց արյան մեջ է:
«Եթե Հայաստանի Հանրապետության սահմանի վրա, այդ թվում` այդ ուղղությունից, վտանգ սպառնա, միանշանակ, մեր սուրբ պարտականությունն է համատեղ ուժերով կանգնել մեր ոսոխի առաջ: Դա երկաթբետոնե հիմքով ամրապնդված է համապատասխան փաստաթղթերի մեջ», – ասել է միացյալ զորքերի հրամանատարը:
