23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Դեղորայքը խիստ սահմանափակ է․ Մադինայի բուժքույրը նախարարի խորհրդականին բողոքեց բուժկետի պայմաններից. ՏԵՍԱՆՅՈՒԹ
Հասարակություն
19.03.2019 | 16:47
Մադինայի բուժկետում չունենք տարրական բժշկական գործիքներ, առաջին օգնության դեղորայք, որպեսզի կարողանանք բուժօգնություն ցույց տալ: «Կյանքը նոր Հայաստանի հին գյուղերում. առողջապահական ասպեկտը» թեմայով քննարկման ժամանակ ՀՀ առողջապահության նախարարի խորհրդական Հովհաննես Հարությունյանին դժգոհեց Գեղարքունիքի մարզի Մադինա գյուղի բուժաշխատող Տաթևիկ Հայրապետյանը:
«Մեզ տրամադրում են որոշակի դեղորայք, բայց շատ սահմանափակ: Ասում են՝ միջոցներն այդքան են: Շատ քիչ է»,- հավելեց բուժաշխատողը:
Ի պատասխան՝ Հովհաննես Հարությունյանը խոստացավ, որ հենց այսօր կփորձի զբաղվել դեղորայքի կամ բուժպարագաների հարցով:
Տաթևիկ Հայրապետյանն էլ հավելեց, որ Մադինայի բուժկետում երկու բուժքույր է աշխատում, բայց գրանցված է մեկ հաստիք. «Աշխատավարձը կիսում ենք երկուսիս: Ունենք 1.200 բնակիչ, 147 երեխա՝ դպրոցում: Մի տասը տարի առաջ, բնակիչների նույն թվի պարագայում, մեզ մոտ աշխատում էր հինգ բուժքույր»:
Նախարարի խորհրդականն ասաց, որ աշխատավարձի բարձրացում նախատեսում են, սակայն հստակ սահմանաչափ չնշեց:
Մանրամասները՝ տեսանյութում:
Ռոբերտ Անանյան
