16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Այո՛, թալանել են, այո՛, կերել են․ ի՞նչ է սպասվում Մոնթե Մելքոնյանի անվան վարժարանին․ Նարեկ Բաբայանը մանրամասնում է․ ՏԵՍԱՆՅՈՒԹ
Քաղաքականություն
14.03.2019 | 14:16
Մոնթե Մելքոնյանի անվան ռազմամարզական վարժարանի գոյությանը ոչինչ չի կարող սպառնալ: Մարտի 14-ին Կառավարության նիստից հետո լրագրողների հետ ճեպազրույցում այս մասին ասաց Պետական գույքի կառավարման կոմիտեի նախագահ Նարեկ Բաբայանը:
«Հասկանալի է, որ վարժարանը պետք է ապահովված լինի շատ լավ պայմաններով, բայց դա չի նշանակում, որ կարելի է միլիոների ներդրմամբ կառուցված գույքը նպատակային չօգտագործել, պետությունը դրանից որևէ շահույթ չստանա, մի բան էլ գումարներ ծախսի պահպանության համար»,- հավելեց նա:
Բաբայանը հիշեցրեց, որ Դիլիջանում գտնվող շենքը կառուցվել է ՊԵԿ-ի համար՝ որպես առողջարանային, ուսումնական կենտրոն. «Ապրիլյան պատերազմից հետո, հաշվի առնելով ժողովրդի ցասումը, որ միլիոնավոր դոլարներ են ծախսվել, տրվել է այդ ժամանակ շատ վատ գույքային պայմաններ ունեցող Մոնթե Մելքոնյանի անվան վարժարանին»:
Պետգույքի կառավարման կոմիտեի ղեկավարն ասաց նաև, որ եղել է Դիլիջանում, ծանոթացել գույքին ու դրա հնարավորություններին: Հիմա պետք է հասկանալ, թե ինչպես կարելի է այն օպտիմալ օգտագործել:
Մանրամասները՝ տեսանյութում:
Աղավնի Սուքիասյան
