10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
ԱՆ աշխատակիցը դիտավորությամբ վնասել է «Զվարթնոց» օդանավակայանում կայանված թանկարժեք մեքենաները. «Փաստինֆո»
Հասարակություն
16.08.2017 | 16:51
«Զվարթնոց» օդանավակայանի մի աշխատակից ոստիկանության «Զվարթնոց» օդանավակայանի գծային բաժնում հաղորդում էր տվել, որ օգոստոսի 13-ին, ժամը 23-ի սահմաններում իր «Նիսսան Տիդա» ավտոմեքենան կայանել է օդանավակայանի ծառայողական (անվճար) ավտոկանգառում և առավոտյան աշխատանքն ավարտելուց հետո, երբ գնացել է տուն, նկատել է, որ ավտոկանգառում անհայտ անձը դիտավորությամբ չորս կողմից վնասել ու քերծել է ավտոմեքենան՝ պատճառելով 350.000 դրամի վնաս:
Նույն օրը ոստիկանությունում համանման հաղորդում է ստացվել նաև օդանավակայանի մեկ այլ աշխատակցից, որը հայտնել է, որ օդանավակայանի ծառայողական ավտոկանգառում նույն եղանակով վնասվել է իր «Լեքսուս RX350» մակնիշի ավտոմեքենան՝ պատճառելով 2.500.000 դրամի վնաս:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ նշված ավտոմեքենաները վնասել է 1989 թ. ծնված Արշակ Ա.-ն: «Փաստինֆո»-ի տեղեկություններով՝ վերջինս արդարադատության նախարարության աշխատակից է։
Հանգամանքները պարզվում են:
Կատարվում է հետաքննություն:
