ԱՄՆ-ի Սենթ Լուիս քաղաքում այսօր մեկնարկում է Սինգֆիլդի գավաթը: Այս մասին հայտնում է Հայաստանի շախմատային ֆեդերացիայի պաշտոնական կայքը:
Մրցաշարին մասնակցում է հայկական շախմատի առաջատար Լևոն Արոնյանը:
Սինգֆիլդի գավաթում Արոնյանի մրցակիցներն են լինելու աշխարհի չեմպիոն Մագնուս Կարլսենը (Նորվեգիա), Ուեսլի Սոն (ԱՄՆ), Ֆաբիանո Կարուանան (ԱՄՆ), Հիկարու Նակամուրան (ԱՄՆ), Մաքսիմ Վաշիե-Լագրավը (Ֆրանսիա), Վիշվանաթան Անանդը (Հնդկաստան), Սերգեյ Կարյակինը (Ռուսաստան), Պյոտր Սվիդլերը (Ռուսաստան) և Յան Նեպոմնյաշչին (Ռուսաստան):
Այսօր կայանալիք առաջին տուրում Լևոն Արոնյանը սպիտակներով կխաղա Յան Նեպոմնյաշչու հետ:
