09.08.2026 | 11:33
Ահազանգ է ստացվել, որ Սևանա լճի լողափերից մեկում քաղաքացիները հեծանիվ-նավակով հեռացել են ափից և չեն կարողանում վերադառնալ․ ՆԳՆ
ԱՄՆ-ը կշարունակի Ռուսաստանի հետ հարաբերությունները կարգավորելու փորձերը. Թիլերսոն
Քաղաքականություն
02.08.2017 | 12:24
Ամերիկյան վարչակազմը պահպանում է Մոսկվայի և Վաշինգտոնի միջև հարաբերությունները կարգավորելու տրամադրվածությունը: Եվ անկախ ԱՄՆ Կոնգրեսի որոշումից՝ ռուսական կառավարության կողմից կառուցողական քայլեր են ակնկալվում: Այս մասին հայտարարել է ԱՄՆ պետքարտուղար Ռեքս Թիլերսոնը. փոխանցում է tass.ru-ն:
Ամերիկյան դիվանագիտության ղեկավարը հաստատել է, որ ինքը և ԱՄՆ նախագահ Դոնալդ Թրամփը հիացած չեն Սենատի և ԱՄՆ Կոնգրեսի Ներկայացուցիչների պալատի գործողություններից, որոնք անցյալ շաբաթ ընդունել են Ռուսաստանի, Իրանի և Հյուսիսային Կորեայի դեմ պատժամիջոցները խստացնելու մասին օրինագիծ:
«Մենք չենք կարող թույլ տալ մեզ շեղել Ռուսաստանի հետ հարաբերությունները վերականգնելու փորձերի ուղուց»,- ընդգծել է ԱՄՆ պետքարտուղարը:
Միաժամանակ Թիլերսոնը հայտարարել է, որ Ուկրաինայի հարցով իրենք չափազանց հետևողական են՝ Մինսկի պայմանավորվածությունները պետք է իրագործվեն Ռուսաստանի կողմից, հակառակ դեպքում ոչինչ հնարավոր չի լինի անել պատժամիջոցային իրավիճակի հարցում:
