16.11.2024 | 18:40
Քրիստինա Քվինն ու ԱՄՆ դեսպանատան աշխատակիցները հայ ընկերների հետ նշել են ԱՄՆ ծովահետևակային կորպուսի 249-րդ տարեդարձը
Սիրիայի հարցով ռուս և թուրք պաշտոնյաները քննարկում կանցկացնեն Մոսկվայում
Քաղաքականություն
27.12.2018 | 15:02
Թուրքիայում կայացել է իշխող «Արդարություն և զարգացում» (AKP-ԱԶԿ) կուսակցության կենտրոնական գործադիր խորհրդի (MYK) նիստը: Նիստի ավարտից հետո կուսակցության խոսնակ Օմեր Չելիքը հայտարարել է, որ դեկտեմբերի 29-ին Ռուսաստան է մեկնելու թուրք բարձրաստիճան պաշտոնյաների պատվիրակություն. փոխանցում է ermenihaber-ը:
Դրա մեջ են ներառված լինելու Թուրքիայի պաշտպանության նախարար Հուլուսի Աքարը, ազգային հետախուզական ծառայության պետ Հաքան Ֆիդանը, Թուրքիայի նախագահ Ռեջեփ Թայիփ Էրդողանի մամուլի խոսնակ Իբրահիմ Քալընը:
Չելիքի հայտնած տեղեկությունը հաստատել է նաև ռուսական կողմը: Մասնավորապես, Ռուսաստանի արտգործնախարարության մամուլի և տեղեկատվության վարչությունից տեղեկացրել են, որ Մոսկվայում ռուս պաշտոնյաները թուրքական կողմի հետ քննարկելու են Սիրիայի ապագայի հետ կապված հարցեր:
Աղբյուրը տեղեկացնում է, որ առաջիկայում Սիրիայի հարցով կարող են հանդիպել նաև Թուրքիայի և Ռուսաստանի նախագահները:
