28.09.2026 | 22:28
Չեմ տեսել,որ եղել է,հետո հեռացվել է․ ՔՊ խմբակցության քարտուղարը՝ Ալբերտ Հովհաննիսյանի լուսանկարի մասին. ՏԵՍԱՆՅՈՒԹ
Պայթյուն Աթենքի կենտրոնում գտնվող եկեղեցում. վիրավորներ կան
Քաղաքականություն
27.12.2018 | 12:18
Հունաստանի մայրաքաղաք Աթենքի կենտրոնում պայթյուն է որոտացել, վիրավորներ կան: Դեպքը տեղի է ունեցել Կոլոնակի շրջանի Սուրբ Դիոնիսիոս եկեղեցում: Այս մասին գրում է ՌԻԱ Նովոստին:
Պայթյունի հետևանքով ոստիկան է վիրավորվել. նրան վերին վերջույթների և գլխի շրջանում վնասվածքներով զինվորական հոսպիտալ են տեղափոխել:
Վնասվածքներ է ստացել նաև եկեղեցու պահակը: Նա կասկածելի առարկա է նկատել տաճարում և ոստիկանություն զանգահարել: Երբ ոստիկանը մոտեցել է, ռումբը պայթել է:
Իրավապահները շղթայել են դեպքի վայրը: Ականատեսների խոսքով՝ պայթյունի հետևանքով մոտակայքում կայանված մոտոցիկլետները գետնի տակ են անցել, աղբամաններն այս ու այն կողմ են շպրտվել:
Ռումբը տեղադրված է եղել եկեղեցու մուտքի մոտ՝ մետաղական արկղի մեջ: Ռումբի մասին ահազանգ չի եղել, առայժմ ոչ ոք չի ստանձնել կատարվածի պատասխանատվությունը:
