03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Պետք լինի, ճանապարհ էլ կփակենք. բեռնափոխադրողների ակցիան կառավարության դիմաց. ՏԵՍԱՆՅՈՒԹ
Հասարակություն
27.12.2018 | 11:58
Բեռնափոխադրողներն այսօր բողոքի ակցիա էին կազմակերպել կառավարության շենքի առջև՝ դժգոհելով Հարկային օրենսգրքում կատարված փոփոխություններից:
«2018 թվականի հունվարից նոր հարկման ձև է սահմանվել, որը ձեռնտու չէ բեռնափոխադրողներին: Փաստաթղթավորման մեծ պահանջ է ներկայացվում, որը մենք չենք կարող ներկայացնել: Օրինակ՝ եթե որոշակի գումար է փոխանցվում, բայց մենք չենք կարողանում դա փաստաթղթերով հիմնավորել, դա որպես մաքուր եկամուտ է համարվում և հարկվում: Բայց դա մեր մաքուր եկամուտը չէ հաստատ, և իրենք էլ դա գիտեն»,- Factor.am-ի հետ զրույցում նշեց ակցիայի մասնակիցներից մեկը:
Ցուցարարները նշում են, որ նախկինում ֆիքսված գումար է եղել բեռնափոխադրող յուրաքանչյուր մեքենայի համար, և նորմալ աշխատել են. «Բազմիցս նամակի միջոցով զգուշացրել ենք, որ խնդիրների առաջ ենք կանգնելու, սակայն հարցը չի լուծվել»:
Մանրամասները՝ տեսանյութում:
Լիլիթ Շաբոյան
