25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Եվրոպայից դեպի Իրան Հայաստանի տարածքով բեռնափոխադրումներն անհեռանկար են
Տնտեսություն
31.07.2017 | 16:16
Դեռևս 2016 թվականի տարեվերջին Տրանսպորտի, կապի և տեղեկատվական տեխնոլոգիաների նախարարության բարձրաստիճան պաշտոնյաները հայտարարում էին, որ Հայաստանը Եվրոպա-Իրան բեռնափոխադրումների հարցում կարող է տարանցիկ երկիր լինել։ Այս նպատակով փորձնական եղանակով երկու կոնտեյներ էր տեղափոխվել Գերմանիայից Թեհրան, որի ժամանակ տրասնպորտային մի քանի միջոց էր օգտագործվել՝ ծովային, երկաթուղային և ավտոմոբիլային։
Factor.am-ի գրավոր հարցին՝ արդյոք նորից եղե՞լ է կոնտեյների տեղափոխում ՀՀ-ի տարածքով և եթե չի եղել, ո՞րն է պատճառը, նախարարության պատասխանում ասված է․ «Գերմանիայից դեպի Իրանի Իսլամական Հանրապետություն բեռնարկղերի նոր փոխադրման առաջարկ բեռնափոխադրողների կողմից չի եղել»։
Նախկինում հայտարարվում էր նաև Հնդկաստանի հետ բանակցությունների մասին, արդյոք դրանք մոտեցե՞լ են ավարտին, և հնարավո՞ր է Հնդկաստանից պարսկական, հայկական, վրացական, սևծովյան և եվրոպական տարածքներն օգտագործելով բեռնափոխադրում իրականացնել որևէ եվրոպական նավահանգիստ: Այս հարցի շուրջ նախարարության պատասխանում գրված է․ «Ինչ վերաբերում է Հնդկաստանի Հանրապետությունից դեպի Եվրոպա Հայաստանի տարածքով տարանցմամբ բեռնարկղերի փոխադրումներին, ապա այդ ուղղությամբ բանակցություններն առայժմ շարունակվում են»։
Սեդա Ղուկասյան
