10.10.2026 | 14:28
ԵՄ-ն շնորհավորել է Երևանի 2808-ամյակը
Հեղափոխությունից հետո ակնկալում ենք, որ մարդու իրավունքները պետք է ավելի պաշտպանված լինեն. փաստաբան. ՏԵՍԱՆՅՈՒԹ
Հասարակություն
24.12.2018 | 16:14
Հեղափոխությունից հետո ակնկալում ենք, որ մարդու իրավունքները պետք է ավելի պաշտպանված լինեն: Դեկտեմբերի 24-ին լրագրողների հետ զրույցում այս մասին ասաց Հիմնադիր խորհրդարանի անդամ Կարո Եղնուկյանի փաստաբան Տիգրան Հայրապետյանը:
Եղնուկյանը, հիշեցնենք, հայտարարել է ՀՀ ոստիկանությանն ու ԱԱԾ-ին դատի տալու մասին՝ իրեն ապօրինի գաղտնալսելու համար:
«Հասկանում ենք, որ նախկին իշխանությունների ժամանակ կարելի էր ցանկացած անձի ապօրինի գաղտնալսել և քննչական մարմինները կամ ԱԱԾ-ն իրենց նեղություն չէին տալիս անգամ դիմելու դատարան՝ թույլտվություն ստանալու համար: Հիմա՝ հեղափոխությունից հետո, մենք ակնկալում ենք, որ մարդու իրավունքները պետք է ավելի պաշտպանված լինեն, և իշխանության բարձրաստիճան ներկայացուցիչներն արդեն պետք է համապատասխան թույլտվություններ ունենան՝ նման գործողություններ իրականացնելու համար: Դրա համար դիմել էինք ոստիկանության պետին և ԱԱԾ տնօրենին»,- ասաց փաստաբանը:
Նրա խոսքով՝ պատասխանը նույնն էր, ինչ նախկին իշխանությունների ժամանակ. «Ոստիկանության պատասխանն էր, որ իրենք գործում են բացառապես օրենքի շրջանակում, ԱԱԾ-ն էլ միշտ այնպիսի պատասխան է տալիս, որ պետք է միայն ենթադրել, թե ինչ է իրականում տեղի ունեցել»:
Կարո Եղնուկյանն էլ նշեց, որ քաղաքացու անձնական կյանք պետությունը կարող է ներխուժել միայն այն ժամանակ, երբ հիմնավոր կասկած կա, որ անձն ապօրինի ինչ-որ բան է անում: «Առաջ, ինչպես գիտենք, գործ սարքելու համար գնում էին դատարանին ասում էին, որ մենք ունենք օպերատիվ ինֆորմացիա, որ Կարո Եղնուկյանը զենք-զինամթերք ունի: Այդքանը բավարար էր լինում: Հիմա նախկին իշխանություններ և ներկա իշխանություններ, որ ասում ենք, ուզում եմ շեշտել, որ ԱԱԾ-ն և ոստիկանությունը դեռ նախկինում են ապրում, իրենք նոր Հայաստանում չեն»,- հայտարարեց Կարո Եղնուկյանը:
Մանրամասները՝ տեսանյութում:
