05.11.2024 | 20:29
Թուրքիայում նավթավերամշակման գործարանում պայթյուն է տեղի ունեցել․ վիրավորներ կան
Սևանի ձկան պաշարները պետական սեփականություն են, ստացվում է՝ չենք պաշտպանում այն․ Բարդուխ Գաբրիելյան․ ՏԵՍԱՆՅՈՒԹ
Տնտեսություն
17.12.2018 | 15:51
ԳԱԱ կենդանաբանության և հիդրոէկոլոգիայի կենտրոնի տնօրեն Բարդուխ Գաբրիելյանի խոսքով՝ թեև Հայաստանում սիգ ձկան արդյունագործական պաշարն ավելացել է (անցյալ տարի այն կազմում էր 540, այս տարի՝ 740 տոննա), սակայն զարմանալի է, որ շուկայում անարգել վաճառվում է սիգը, այդ թվում ձկնկիթը։
«Վաճառվում են ոչ միայն մեծ ձկները, այլև ձկնկիթը, և զարմանալի է, որ ոչ մի տուգանք չի կիրառվում: Մեզ դիմեցին Բնապահպանության նախարարությունից, հարցրին, թե ե՞րբ է լինելու ձվադրումը, մենք ասացինք 20-ից հետո, բայց դա չի նշանակում, որ չպետք է մինչ այդ պաշտպանեինք։ Այսօրվա որսված մի ձկով մենք կորցնում ենք հազարավոր ձկներ: Կոռուպցիայի դեմ պայքարը ոչ մի կերպ չի անդրադառնում այս հարցին: Սևանի ձկան պաշարները պետական սեփականություն են, ստացվում է՝ չենք պաշտպանում պետական սեփականությունը»,- այսօր հրավիրված մամուլի ասուլիսի ժամանակ իր մտահգությունը հայտնեց Բարդուխ Գաբրիելյանը։
Վերջինիս խոսքով՝ մտահոգիչ են նաև խեցգետնի պաշարները, որոնք, ըստ իրենց ուսումնասիրության, գնահատվում են 2300 տոննայից մի փոքր ավելի, մինչդեռ անցյալ տարի այն եղել է 2600 տոննա, իսկ 2016 թ․-ին՝ 4500 տոննա։
Մանրամասները՝ տեսանյութում։
Աղավնի Սուքիասյան
