11.08.2026 | 19:29
Հայտնի է Հայաստանի գավաթի նախնական փուլի ժամանակացույցը
Հայաստանի քաղաքական ուժերը կա՛մ լռության են մատնում Արցախի հարցը, կա՛մ ունեն կրավորական կեցվածք․ Լարիսա Ալավերդյան․ ՏԵՍԱՆՅՈՒԹ
17.12.2018 | 15:30
ՀՀ մարդու իրավունքների նախկին պաշտպան Լարիսա Ալավերդյանն Արցախի Պաշտպանության բանակում տեղի ունեցող վերջին կադրային փոփոխությունների մասին խոսելիս հիշեց, որ նմանատիպ մի դեպք էլ եղել է ՀՀ 1-ին նախագահի՝ Արցախ կատարած այցի ժամանակ, երբ փոխվեց Արցախի ԳԽ նախագահ Գեորգի Պետրոսյանը, իսկ Նիկոլ Փաշինյանի պարագայում տարբերությունը, թերևս, այն է, որ այս անգամ ոչ թե ՀՀ ղեկավարն էր գնացել Արցախ, այլ Արցախի նախագահն էր եկել Հայաստան։
Այս մասին այսօր հրավիրված մամուլի ասուլիսի ժամանակ ասաց Ալավերդյանը՝ նշելով, որ անկախ ամեն ինչից՝ Լևոն Մնացականյանը շարունակելու է իր ամուր կապը բանակի հետ։
«Ես ինքս, սակայն, բացասական եմ գնահատում այն երևույթները, երբ պետության բարձրաստիճան պաշտոնյան իրադարձություններին անդրադառնում է այնպես, ինչպես անդրադարձավ պարոն Փաշինյանը՝ կոշտ և բարձրաստիճան պաշտոնյային ոչ հարիր արտահայտություններով․ դա ինձ համար մերժելի է»,-նկատեց նա։
Անդրադառնալով արցախյան հարցին՝ Լարիսա Ալավերդյանն ընդգծեց, որ Հայաստանի քաղաքական ուժերը կա՛մ լռության են մատնում Արցախի հարցը, կա՛մ ունեն կրավորական կեցվածք, և թերևս, առաջին նախագահի գլխավորած քաղաքական ուժը միակն էր, որ խոսեց տարածքները հանձնելու մասին։
«Մյուս քաղաքական ուժերը շատ հեղեղուկ են արտահայտվում․ կա նաև մեկ ուժ, որը խոսում է վերամիավորման մասին»,- ասաց Մարդու իրավունքների նախկին պաշտպանը՝ ակնարկելով «Սասնա Ծռեր» կուսակցությանը։
Մանրամասները՝ տեսանյութում։
Աղավնի Սուքիասյան
