Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները

Լուրեր

22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
Բոլորը

ՀՀ բարձր տեխնոլոգիական արդյունաբերության և արհեստական բանականության նախարար Դավիթ Թադևոսյանի և Իրանի Իսլամական Հանրապետության կապի և տեղեկատվական տեխնոլոգիաների նախարար Սաթթար Հաշեմիի մասնակցությամբ տեղի է ունեցել նախարարական հանդիպում՝ պանելային քննարկման ձևաչափով։ Այդ մասին հայտնում է ԲՏԱ նախարարությունը։

Քննարկման ընթացքում բանախոսներն անդրադարձել են ռոբոտաշինության զարգացման հեռանկարներին, տվյալների անվտանգությանը, կրթության և աշխատաշուկայի փոխակերպումներին, քննարկել բարձր տեխնոլոգիաների, հեռահաղորդակցության և թվայնացման ոլորտներում երկկողմ համագործակցության զարգացման հնարավորությունները, ինչպես նաև տարածաշրջանային տեխնոլոգիական օրակարգին առնչվող հարցեր։

Անդրադառնալով Հայաստանում բարձր տեխնոլոգիական արդյունաբերության զարգացման նախադրյալներին՝ Դավիթ Թադևոսյանը կարևորել է էներգետիկ և հաշվողական ենթակառուցվածքների զարգացումը՝ ընդգծելով, որ տեղական հաշվողական հզորությունները հնարավորություն են տալիս էներգետիկ ռեսուրսները վերածել տեխնոլոգիական և տնտեսական արժեքի։

Դավիթ Թադևոսյանը խոսել է նաև մարդկային կապիտալի զարգացմանն ուղղված նախաձեռնությունների մասին՝ կարևորելով պետություն-մասնավոր հատված համագործակցությունը, միջազգային մասնագետների ներգրավումը և մասնագիտական կարողությունների զարգացումը։

Անդրադառնալով տեխնոլոգիական զարգացման ազդեցությանը աշխատաշուկայի վրա՝ նախարարը նշել է, որ այն պայմանավորում է աշխատանքային գործառույթների և մասնագիտությունների վերափոխումը՝ միաժամանակ ձևավորելով նոր պահանջարկ։ Մասնավորապես, աճելու է ավտոմատացված համակարգերի կառավարման և սպասարկման, ռոբոտների սենսորների ու շարժիչների սպասարկման, ծրագրային ապահովման և կիբեռանվտանգության մասնագետների պահանջարկը։ Այս պայմաններում կարևորվել են կրթական համակարգի ճկունությունը, մասնագիտական վերապատրաստումը և շարունակական ուսուցման մշակույթի զարգացումը։

Իրանի կապի և տեղեկատվական տեխնոլոգիաների նախարար Սաթթար Հաշեմին ներկայացրել է թվային տնտեսության զարգացման, կրթության ոլորտում թվային գործիքների կիրառման և տեխնոլոգիական կարողությունների ընդլայնման ուղղությամբ Իրանի իրականացրած նախաձեռնությունները՝ ընդգծելով տեխնոլոգիական զարգացումներին համահունչ մասնագիտական հմտությունների շարունակական կատարելագործման կարևորությունը։

Քննարկման ընթացքում անդրադարձ է կատարվել նաև Հայաստանի և Իրանի միջև տեխնոլոգիական համագործակցության խորացման հնարավորություններին։

Կարևորվել են երկու երկրների ստարտափ էկոհամակարգերի միջև կապերի ընդլայնումը, կրթական և մասնագիտական համագործակցությունը, գիտելիքի ու փորձի փոխանակումը։

Քննարկվել են նաև տարածաշրջանային թվային կապակցվածության և օպտիկամանրաթելային ենթակառուցվածքների զարգացման հեռանկարները։

Անդրադարձ է եղել տվյալների ինքնիշխանությանն ու անվտանգությանը։ Բանախոսներն ընդգծել են անձնական տվյալների պաշտպանության, արդյունավետ մեխանիզմների կիրառման, թվային հարթակների նկատմամբ վստահության ամրապնդման, ինչպես նաև այս ոլորտում տարածաշրջանային համատեղ նախաձեռնությունների անհրաժեշտությունը։