Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը

Լուրեր

17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
17.11.2026 | 20:09
Վիրավորանքի համար՝ նվազագույնը 1 մլն, զրպարտության համար՝ 2 մլն դրամ․ ԱՆ-ն առաջարկում է փոխհատուցման նոր շեմեր
17.11.2026 | 20:06
Գերմանիայի ԱԳ նախարարը Բաքվում է․ նրան ընդունել է Ալիևը
17.11.2026 | 19:52
Ազգային հերոսը՝ կոռուպցիայի համար դատապարտված․ ինչու Փիլոյանը չի զրկվել կոչումից. ՏԵՍԱՆՅՈՒԹ
17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
Բոլորը

Factor TV-ին հայտնի է դարձել, որ Վարչական դատարանը վարույթ է ընդունել թիվ 22 ընտրատարածքային ընտրական հանձնաժողովի դիմումը, որով ԸԸՀ-ն պահանջում է ուժը կորցրած ճանաչել Լոռու մարզի Սպիտակ համայնքի ավագանու ընտրություններում «Քաղաքացիական պայմանագիր» կուսակցության ընտրական ցուցակի առաջին համարի՝ Քաջայր Նիկողոսյանի գրանցումը։

Դատական ակտի համաձայն՝ ընտրատարածքային ընտրական հանձնաժողովը հայցադիմումը ներկայացրել է նոյեմբերի 16-ին։ Վարչական դատարանը նոյեմբերի 17-ին որոշել է հայցադիմումն ընդունել վարույթ և գործը նշանակել դատաքննության։ Գործը քննելու է Վարչական դատարանի հինգ դատավորից կազմված կոլեգիան՝ նախագահող դատավոր Անի Հարությունյանի, դատավորներ Գրիգոր Առաքելյանի, Վարազդատ Միքաելյանի, Մհեր Պետրոսյանի և Տիգրան Սանթրոսյանի մասնակցությամբ։

Սպիտակ համայնքի ավագանու ընտրությունները նշանակված են նոյեմբերի 29-ին։

Հիշեցնենք՝ ընտրություններին ընդառաջ Սպիտակում վարչական ռեսուրսի հնարավոր չարաշահման դեպքի մասին ահազանգել էր «Անկախ դիտորդ» դաշինքը։ Քաջայր Նիկողոսյանն աշխատանքից ազատել էր մրցակից «Բարոյական արժեքներ» կուսակցության ցուցակով առաջադրված համայնքապետարանի չորս աշխատակցի՝ իր տեղակալին և երեք բնակավայրերի վարչական ղեկավարներին։ Միաժամանակ, մյուս վարչական ղեկավարներին շրջաբերական էր ուղարկել՝ պահանջելով նպատակային արձակուրդի դիմումներ չներկայացնել։

ԸԸՀ-ն արձանագրել է, որ Սպիտակ համայնքի ղեկավար, «Քաղաքացիական պայմանագիր» կուսակցության թեկնածու Քաջայր Նիկողոսյանի գործողություններում առկա են ընտրական օրենսդրության պահանջների խախտումներ։

Թիվ 22 ընտրատարածքային ընտրական հանձնաժողովն իրականացված վարչական վարույթի արդյունքներով փաստել է համայնքի ղեկավարի գործողությունների ոչ իրավաչափ լինելը։ Հանձնաժողովն անդրադարձել է տեղի ունեցած պաշտոնանկություններին՝ դրանք դիտարկելով Ընտրական օրենսգրքի 23-րդ հոդվածի 1-ին մասի համատեքստում․ «…Մասնավորապես, նշված պաշտոնանկությունները կարող են դիտարկվել նաև Ընտրական օրենսգրքի 23-րդ հոդվածի 1-ին մասով սահմանված կարգավորումների համատեքստում, այսինքն, նախընտրական քարոզչության կազմակերպման և իրականացման ընթացքում վարչական ռեսուրսի, այդ թվում՝ մարդկային ռեսուրսի օգտագործումը՝ ընտրությունների ժամանակ առավելություն ստանալու նպատակով»։

Հանձնաժողովը հատուկ ընդգծել է, որ մարդկային ռեսուրսի չարաշահումը դրսևորվում է ոչ միայն աշխատակիցներին քարոզչության մեջ ուղղակիորեն ներգրավելով, այլև ծառայողական ճնշմամբ․ «Վերոնշյալ իրավակարգավորումներից հետևում է, որ մարդկային ռեսուրսի օգտագործումը կարող է դրսևորվել ոչ միայն պետական կամ տեղական ինքնակառավարման մարմինների աշխատակիցներին նախընտրական քարոզչությանն անմիջականորեն ներգրավելու, այլև նրանց նկատմամբ ծառայողական դիրքի բերումով ունեցած կառավարչական ազդեցությունն օգտագործելու միջոցով»։

Եվգենյա Համբարձումյան