15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:53
Ֆուտբոլի Հայաստանի ազգային հավաքականն ավարտեց ելույթներն Ազգերի լիգայում, որտեղ կմնա C լիգայում:
Խմբային փուլի վերջին տուրում Եղիշե Մելիքյանի գլխավորած թիմը Ռիգայի «Սկոնտո» ստադիոնում մրցեց Լատվիայի հավաքականի հետ: Գրանցվեց գոլազուրկ ոչ-ոքի: Հանդիպումն անցավ հավասար պայքարում, գոլային պահերը բավական քիչ էին:
C լիգայի երկրորդ խմբի մյուս խաղում Չեռնոգորիայի հավաքականը մրցակցի խաղադաշտում 4:1 հաշվով հաղթեց Կիպրոսի թիմին, 16 միավորով հաղթեց խմբում ու նվաճեց B լիգայի ուղեգիր: Կիպրոսը 8 միավորով գրավեց երկրորդ տեղը, Հայաստանը վաստակեց 6, իսկ Լատվիան՝ 2 միավոր:
6 խաղում Հայաստանի հավաքականը տարավ մեկ հաղթանակ, կրեց երկու պարտություն ու գրանցեց 3 ոչ-ոքի: Արտագնա խաղերում հայ ֆուտբոլիստներին չհաջողվեց գոլ խփել:
Ազգերի լիգա, 6-րդ տուր
Լատվիա – Հայաստան՝ 0:0
Դավիթ Եղիազարյան
