15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
Դատավորների նկատմամբ քրեական հետապնդում է հարուցվել
Հասարակություն
15.11.2026 | 16:36
Երևան քաղաքի առաջին ատյանի ընդհանուր իրավասության քրեական դատարանի դատավորներ Մասիս Մելքոնյանի և Գևորգ Պողոսյանի նկատմամբ քրեական հետապնդում է հարուցվել, հայտնում են Գլխավոր դատախազությունից։
Մասնավորապես, Մասիս Մելքոնյանի նկատմամբ քրեական հետապնդում է հարուցվել ՀՀ քրեական օրենսգրքի 441-րդ հոդվածի 2-րդ մասի 4-րդ կետով (լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը), իսկ Գևորգ Պողոսյանի նկատմամբ՝ 46-441-րդ հոդվածի 2-րդ մասի 4-րդ կետով (լիազորությունները չարաշահելուն օժանդակելը)։
Հիշեցնենք՝ նոյեմբերի 14-ին Բարձրագույն դատական խորհուրդը (ԲԴԽ) դռնփակ նիստում բավարարել էր Գլխավոր դատախազի պարտականությունները կատարողի միջնորդությունները՝ համաձայնություն տալով երկու դատավորների նկատմամբ հանրային քրեական հետապնդում հարուցելուն։
ԲԴԽ-ն նաև որոշել էր կասեցնել Մասիս Մելքոնյանի և Գևորգ Պողոսյանի լիազորությունները մինչև նրանց նկատմամբ քրեական վարույթների ավարտը։
