17.12.2025 | 22:17
Ադրբեջանի Մեջլիսի ղեկավարը ՀՀ-ԵՄ փաստաթղթից է դժգոհել է ԵՄ դեսպանին
Թրամփը կարծում է, որ իրեն իմպիչմենթ հայտարարելու դեպքում ժողովուրդը ոտքի կկանգնի
Քաղաքականություն
12.12.2018 | 12:50
ԱՄՆ նախագահ Դոնալդ Թրամփը կարծում է, որ իրեն իմպիչմենթ հայտարարելու դեպքում ժողովուրդը ոտքի կկանգնի: Reuters-ին տված հարցազրույցում նա հայտարարել է, որ չի անհանգստանում հնարավոր իմփիչմենթի առիթով, քանի որ «դժվար է իմպիչմենթ հայտարարել մեկին, ով ոչ մի վատ բան չի արել»:
Թրամփի խոսքով՝ 2016 թվականի ընտրություններից իր նախկին փաստաբան Մայքլ Քոենի կողմից կանանց փոխանցված վճարումները չեն խախտել ընտրարշավի ֆինանսավորման մասին օրենքները:
«Ո՛չ, ես չեմ անհանգստանում: Կարծում եմ՝ մարդիկ ոտքի կկանգնեն, եթե դա տեղի ունենա»,- նշել է Սպիտակ տան ղեկավարը:
Հիշեցնենք, որ ԱՄՆ դաշնային դատախազությունն առաջին անգամ գործող նախագահին հանցագործության մեղսակից է կոչել: Մայքլ Քոենի գործով մեղադրական փաստաթղթերում պնդում կա, որ 2016թ. նախագահական ընտրարշավի ժամանակ Դոնալդ Թրամփը հանձնարարել է լռության դիմաց վճարել երկու կանանց, որոնց հետ արտամուսնական կապի մեջ է եղել:
