29.10.2026 | 11:06
Պատգամավորները ծեծում են միմյանց, իրար վրա աթոռ նետում․ ՏԵՍԱՆՅՈՒԹ
ԱԱ. Պայքարի մեջ են մտնում ազատ ոճի ըմբիշները
29.10.2026 | 09:30
Ղազախստանի մայրաքաղաք Աստանայում ընթացող ըմբշամարտի աշխարհի առաջնությունում հոկտեմբերի 29-ից պայքարի մեջ կմտնեն ազատ ոճի ըմբիշները: 6 մասնակցով մրցավայր մեկնած ազատ ոճի ըմբշամարտի Հայաստանի հավաքականի անդամներն իմացել են առաջին մրցակիցներին:
Մանվել Խնձրցյանը (57 կգ) պայքարը կսկսի որակավորման փուլից, որտեղ կմրցի Մու Յուն (Հարավային Կորեա) – Քինկան Հի (Չինաստան) զույգի հաղթողի հետ:
Արսեն Հարությունյանը (61 կգ) որակավորման փուլում ուժերը կճափի մեքսիկացի Դերեկ Գարսիայի հետ:
Վազգեն Թևանյանը (65 կգ) 1/16 եզրափակիչում կգոտեմարտի Մոնղոլիան ներկայացնող Զենեմեդեր Բյամբասուրենի հետ:
Արման Անդրեասյանը (70 կգ) կմեկնարկի 1/8 եզրափակիչից, որտեղ կհանդիպի Ֆերհատ Կիլից (Թուրքիա) – Վիշալ Կալիրամանա (Հնդկաստան) գոտեմարտի հաղթողի հետ:
Նարեկ Հարությունյանը (74 կգ) որակավորման փուլում կմրցի ռուսատանցի Ինալբեկ Շերիևի հետ:
Հրայր Ալիխանյանը (79 կգ) ևս կմեկնարկի որակավորման փուլից և կփորձի հաղթահարել Ռուսաստանի ներկայացուցիչ Իսլամ Խանիևի արգելքը:
Վազգեն Թևանյանը պայքարը կսկսի հոկտեմբերի 29-ին, Արսեն Հարությունյանը և Արման Անդրեասյանը՝ հոկտեմբերի 30-ին, իսկ Մանվել Խնձրցյանը, Նարեկ Հարությունյանը և Նարեկ Հարությունյանը՝ հոկտեմբերի 31-ին:
Դավիթ Եղիազարյան
