02.03.2026 | 16:39
ԱՄՆ-ը հայտնել է, որ Քուվեյթում երեք ամերիկյան ինքնաթիռ է խոցվել «բարեկամական կրակից»
Իգոր Դոդոնին նորից հեռացրել են Մոլդովայի նախագահի պաշտոնից
Քաղաքականություն
10.12.2018 | 20:02
Մոլդովայի նախագահ Իգոր Դոդոնին կրկին հեռացրել են պարտականությունների կատարումից: Համապատասխան որոշումն ընդունել է երկրի Սահմանադրական դատարանը, գրում է «Իզվեստիան»:
ՍԴ նախագահ Միխայ Պոալելունժը նշել է, որ Դոդոնին լիազորություններից զրկել են, քանի որ նա հրաժարվում է սատարել խորհրդարանի հաստատած օրինագծերը: Սահմանադրական դատարանի որոշումը վերջնական է և ենթակա չէ բողոքարկման:
Խոսքը հինգ օրենքների մասին է, որոնց թվում են նախկին հանրապետական մարզադաշտն ԱՄՆ դեսպանատուն կառուցելու նպատակով փոխանցելուն, մայիսի 9-ին Եվրոպայի օրը նշելուն վերաբերող օրենքներն ու հեռուստատեսային և ռադիոհեռարձակման մասին նոր օրենսգիրքը:
Իգոր Դոդոնը հայտարարել է, որ չի պատրաստվում ստորագրել ժողովրդի շահերին հակասող օրենքները:
Նշենք, որ Դոդոնն առաջին տարին չէ, որ դիմակայում է Անդրիան Կանդու գլխավորած կառավարությանը: Նրանց միջև հակամարտությունն առաջացել է Մոլդովայի արտաքին քաղաքականության վերաբերյալ տարբեր տեսակետների պատճառով: Դոդոնը պնդում է Ռուսաստանի հետ հարաբերությունները բարելավելու հարցում, իսկ կառավարությունը, հակառակը, Արևմուտքի հետ մերձեցման հույս ունի:
Վերջին անգամ Իգոր Դոդոնին պաշտոնից ժամանակավորապես հեռացրել էին այս տարվա սեպտեմբերի 24-ին, քանի որ նա հրաժարվել էր վարչապետ Կանդուի առաջարկած երկու թեկնածուներին նախարարի պաշտոնում նշանակել:
