24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Չնայած բարդ ընտրական համակարգին, չկարգավորված Ընտրական օրենսգրքին, ՀՀ-ում ընտրությունները հաջող ընթացան․դիտորդ․ ՏԵՍԱՆՅՈՒԹ
Քաղաքականություն
10.12.2018 | 16:01
ԵԽԽՎ-ն դիտարկել է Հայաստանի բոլոր ընտրությունները սկսած 1995 թվականից և չնայած բարդ ընտրական համակարգին, սոցիալական ցանցերի միջամտությանը, չկարգավորված Ընտրական օրենսգրքին, Հայաստանում ընտրությունները հաջող ընթացան. այս մասին այսօր հրավիրված մամուլի ասուլիսի ժամանակ ասաց Հայաստանում դիտորդական առաքելություն իրականացնող Ալեքսանդր Պոկիեջը։
Վերջինս նշեց, որ հույս ունի, որ կկարողանան շարունակել իրենց սերտ համագործակցությունը ՀՀ-ի հետ և իրենց վերջնական հաշվետվությունը կներկայացնեն Ստրասբուրգում հունվար ամսին։
Հայաստանում դիտորդական առաքելություն իրականացնող Նաիրմա Լանջրին էլ առանձնացրեց գենդերային հավասարության խնդիրը։
«Բոլոր կուսակցությունների և դաշինքների ցուցակներում կանայք 25 տոկոս ներկայացվածություն են ունեցել, սակայն դրանով հանդերձ այդ տոկոսային համաբերակցությունը չի ապահովել համապատասխան համամասնություն, որովհետև նկատեցինք, որ կանայք շատ քիչ են երևում քարոզարշավի ժամանակ»,- նկատեց դիտորդը։
Վերջին նաև ընդգծեց կուսակցությունների ֆինանսավորման հաշվետվության հայտարարագրման անհրաժեշտությունը, քանի որ ժողովրդավարական պետությունների համար այդ թափանցիկությունը կարևոր բաղադրիչ է համարվում։
Մանրամասները՝ տեսանյութում։
