28.09.2026 | 19:44
«Վանաձոր» ՔԿՀ-ում բացահայտվել է իրար հաջորդող ներնետման երկու դեպք
Սաուդյան Արաբիան հրաժարվել է Թուրքիային արտահանձնել սաուդցի լրագրողի սպանության մեջ մեղադրվող իր 2 քաղաքացիներին
Քաղաքականություն
10.12.2018 | 13:56
Սաուդյան Արաբիան հրաժարվել է Թուրքիային արտահանձնել արքայազն Մուհամեդ Բին Սալմանի նախկին 2 խորհրդականներին, որոնց նկատմամբ թուրքական դատախազությունը կալանավորման որոշում է կայացրել. փոխանցում է ermenihaber-ը:
Ստամբուլի գլխավոր դատախազությունը լուրջ կասկածներ ունի, որ արքայազնի նախկին խորհրդականներ Ահմեդ Ասիրիի և Սաուդ Քահթան են ծրագրել սաուդցի լրագրողի սպանությունը հյուպատոսարանում։
Թեմայի շուրջ հայտարարություն է արել Սաուդյան Արաբիայի արգործնախարարությունը, ասելով. «Խաշոկջիի սպանության գործով կասկածյալի կարգավիճակ ունեցող Սաուդյան Արաբիայի 2 քաղաքացիները չեն արտահանձնվի Թուրքիային»։
Ի դեպ Ահմեդ Ասիրին նախկինում զբաղեցրել էր Սաուդյան Արաբիայի հետախուզության պետի տեղակալի պաշտոնը։
Հիշեցնենք, որ հոկտեմբերի 3-ին թուրքական մամուլում տեղեկություններ տարածվեցին այն մասին, որ Սաուդյան Արաբիայի վերաբերյալ քննադատական հոդվածներով հայտնի լրագրող, ամերիկյան «Washington Post» թերթի թղթակից Ջեմալ Քաշըքչըն մուտք է գործել Ստամբուլում Սաուդյան Արաբիայի հյուպատոսարանի շենք և այնտեղից դուրս չի եկել:
