16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Բաց և թափանցիկ. ԱՊՀ դիտորդների գնահատականն ԱԺ արտահերթ ընտրություններին
Քաղաքականություն
10.12.2018 | 13:26
Հայաստանում ընտրություններն անցկացվել են բաց և թափանցիկ, ՀՀ Սահմանադրությանն ու Ընտրական օրենսգրքին համապատասխան: ԱՊՀ դիտորդների գնահատականն է դեկտեմբերի 9-ին անցկացված ՀՀ ԱԺ արտահերթ ընտրություններին:
Դիտորդական առաքելության ղեկավար Վիկտոր Գումինսկու խոսքով՝ այս քարոզարշավի առանձնահատկությունն այն էր, որ ժամկետները սեղմ էին, սակայն քաղաքական բոլոր ուժերի համար հավասար պայմաններ են ապահովվել:
«Քաղաքական ուժերին Հանրային հեռուստատեսության և ռադիոյի կողմից բոլորին տրամադրվել է հավասար եթերաժամանակ, նրանք հնարավորություն են ունեցել նաև օգտվել վճարովի եթերաժամանակից», – նշեց նա՝ կարևորելով նաև Հայաստանում առաջին անգամ քաղաքական ուժերի առաջին համարների մասնակցությամբ անցկացված հեռուստաբանավեճը:
ԱՊՀ դիտորդներն արձանագրել են, որ Սահմանադրությունը թույլ է տալիս ազատ և ժողովրդավարական ընտրություններ անցկացնել, սակայն նաև որոշակի թերացումներ են եղել: Խոսքը, մասնավորապես, ընտրություններին հաշմանադամություն ունեցող մարդկանց մասնակցությունը չապահովելու մասին է:
Հայտնաբերվել է նաև չնախատեսված վայրերում քարոզչական նյութերի տեղադրում, ինչն արձանագրելուց հետո ԿԸՀ-ն գրություն է ուղարկել քաղաքապետարան:
Նշենք, որ Հայաստանի նախագահի հրավերով ժամանած դիտորդական առաքելությունում ներառված են եղել ԱՊՀ 8 պետությունների, ԱՊՀ Միջխորհրդարանական վեհաժողովի, Բելառուս-Ռուսաստան միության ԽՎ-ի, ԱՊՀ գործադիր կոմիտեի ներկայացուցիչներ: Առաքելությունը, ընդհանուր առմամբ, կազմված էր 84 դիտորդից, որոնցից 16-ը՝ երկարաժամկետ հիմունքով:
