09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
ԿԸՀ-ն իրենից կախված ամեն ինչ կանի՝ վերահաշվարկն ըստ պատշաճի կազմակերպելու համար. Տիգրան Մուկուչյան․ ՏԵՍԱՆՅՈՒԹ
Քաղաքականություն
10.12.2018 | 13:17
ԱԺ քվեարկությունից հետո 7-րդ օրը Կենտրոնական ընտրական հանձնաժողովը կհայտարարի վերջնական արդյունքները։ Մինչ այդ, քաղաքական ուժերը կարող են դիմումներ ներկայացնել Տարածքային ընտրական հանձնաժողովներ, եթե ցանկանում են պահանջել վերահաշվարկ, անվավեր ճանաչել քվեարկության արդյունքները։
Հաշվի առնելով, որ օրինակ` ՀՀԿ-ին Ազգային ժողով մտնելուն խանգարում է 0.3%, չի բացառվում այդ քաղաքական ուժը պահանջի վերահաշվարկել բոլոր տեղամասերի արդյունքները։ ԿԸՀ-ում հրավիրված ասուլիսում հանձնաժողովի նախագահ Տիգրան Մուկուչյանը նշեց, որ որևէ իրավական հիմք անհրաժեշտ չէ, որ քաղաքական ուժի իրավասու ներկայացուցիչը պահանջի վերահաշվարկել արդյունքները։
Factor.am-ի հարցին՝ Տիգրան Մուկուչյանը հնարավոր համարո՞ւմ է բոլոր տեղերում վերահաշվարկել ձայները, նա հիշեցրեց՝ պետք է հաշվի առնել քվեարկության արդյունքները ամփոփելու սահմանված ժամկետը։
Պարոն Մուկուչյանը նաև նշեց, որ ԿԸՀ-ն իրենից կախված ամեն ինչ կանի՝ վերահաշվարկն ըստ պատշաճի կազմակերպելու համար։
