08.10.2026 | 12:51
ՌԴ երկաթուղու ղեկավարը մյուս շաբաթ կժամանի Հայաստան, քննարկում ենք ունենալու. Փաշինյան․ ՏԵՍԱՆՅՈՒԹ
Ալիևն աշխատանքային այցով Թուրքմենստանում է
Քաղաքականություն
08.10.2026 | 10:52
Ադրբեջանի նախագահ Իլհամ Ալիևը հոկտեմբերի 8-ին աշխատանքային այցով ժամանել է Թուրքմենստան։ Ադրբեջանական լրատվամիջոցները՝ Թուրքմենբաշիի միջազգային օդանավակայանում նրան դիմավորել են Թուրքմենստանի նախարարների կաբինետի նախագահի տեղակալ, արտաքին գործերի նախարար Ռաշիդ Մերեդովը, այլ պաշտոնատար անձինք:
Հավելենք, որ Թուրքմենստանում տեղի կունենա ԱՊՀ պետությունների ղեկավարների խորհրդի նիստը։
ՀՀ վարչապետ Նիկոլ Փաշինյանը նույնպես մասնակցելու է նիստին։ Ռուսական կողմը հայտարարել է, որ Նիկոլ Փաշինյանի երկկողմ հանդիպում ՌԴ նախագահ Վլադիմիր Պուտինի հետ ծրագրված չէ։ Չի հաղորդվել նաև ՀՀ վարչապետի և Ադրբեջանի նախագահի հնարավոր հանդիպման մասին։
Միաժամանակ, Թուրքմենստանում անցկացվելու է Կասպյան բնապահպանական գագաթնաժողովը, որին կմասնակցեն Կասպից ծովին հարակից բոլոր հինգ պետությունների՝ Ռուսաստանի, Ադրբեջանի, Իրանի, Ղազախստանի և Թուրքմենստանի ղեկավարները։
Թարգմանությունը՝ Էմմա Չոբանյանի
