07.10.2026 | 23:48
Արթուր Դանիելյանը կալանավորվեց
Ռուսաստանն այս տարի պատերազմի վրա կծախսի ռեկորդային՝ 200 միլիարդ դոլար․ Bloomberg
Քաղաքականություն
07.10.2026 | 22:47
Այս տարվա վերջին Ռուսաստանի բյուջեի պաշտպանական ծախսերը կմոտենան 17 տրիլիոն ռուբլուն (շուրջ 199 միլիարդ դոլար)։ Սա մոտ 40 տոկոսով ավելին է, քան այն գումարը, որը Ռուսաստանի կառավարությունն ի սկզբանե նախատեսել էր 2025 թվականի վերջին ընդունված հիմնական ֆինանսական փաստաթղթում։ Այս մասին գրում է Bloomberg գործակալությունը՝ հղում անելով երկու աղբյուրների, գրում է BBC-ի ռուսական ծառայությունը։
Այս գումարը գրեթե համապատասխանում է 2027 թվականի բյուջեում նախատեսված ռազմական ծախսերի մակարդակին։
Bloomberg-ը սա համարում է կտրուկ շրջադարձ մեկ տարի առաջվա իրավիճակի համեմատ, երբ Մոսկվան նախատեսում էր զսպել ռազմական ծախսերի աճը՝ նպատակ ունենալով կրճատել բյուջեի դեֆիցիտը և վերականգնել պատերազմի ընթացքում սպառված պահուստները։
Գործակալությունը ռազմական ծախսերի այս տարվա աճը բացատրում է նրանով, որ Ալյասկայում կայացած բանակցություններից հետո ՌԴ նախագահ Վլադիմիր Պուտինը հանգել է եզրակացության, որ Ռուսաստանի համար ընդունելի՝ պատերազմը դադարեցնելու համաձայնության հասնել չի հաջողվի, և անհրաժեշտ է ակտիվացնել ռազմական գործողությունները։
Թարգմանությունը՝ Էմմա Չոբանյանի
