Հասարակությունը կազատվի՞ կեղծարարի պիտակից, կախված է իշխանության քաղաքական կամքից. Նորայր Նորիկյան. ՏԵՍԱՆՅՈՒԹ

Factor.am-ի հարցազրույցը փաստաբան Նորայր Նորիկյանի հետ:

– Պարոն Նորիկյան, Ձեր տեղեկություններն ինչի՞ մասին են խոսում, այս խորհրդարանական ընտրություններում չարաշահումներ գրանցվում են, թե՞ ոչ:

– Գիտեք, եթե համեմատենք նախորդ ընտրությունների ընթացքում տեղի ունեցած չարաշահումների, խախտումների և ԶԼՄ-ների բարձրաձայնած ահազանգերի հետ, բնականաբար՝ անհամեմատելի են այսօրվա ընտրությունների ընթացքն ու բովանդակությունը: Ամբողջ օրվա ընթացքում ընտրախախտումների վերաբերյալ մեկ կամ երկու ահազանգի մասին եմ լսել, ինչն օրինաչափ է: Մենք պետք է արձանագրենք, որ իդեալական ընտրություններ չեն կարող լինել և ցանկացած երկրում կարող է արձանագրվել ընտրախախտումների որոշակի շեմ: Բայց նախորդ ընտրությունների հետ համեմատելու եզրեր ուղղակի չկան:

– Ճիշտ հասկացա, որ այսպիսի ընտրություն դեռ չեք տեսել…

– Ես չեմ տեսել: Պետք է խոստովանեմ, որ այսպիսի տրամադրվածությամբ, տոնայնությամբ ընտրություններ դեռ չեմ տեսել:

– Հավատո՞ւմ եք, որ հեղափոխությունից հետո իրավապահ համակարգը փոխվել է, և հնարավոր ընտրախախտումներին իրավական գնահատականներ կտրվեն:

– Միանշանակ պետք է արձանագրել, որ իրավապահ համակարգում դեռևս մեծ անելիքներ կան՝ հեղափոխության սկզբունքներին համահունչ համակարգ կառուցելու համար: Այդ թվում մենք մեծագույն խնդիրներ ունենք դատական իշխանության ոլորտում, ոստիկանությունում ունենք խնդիրներ… Այս առումով իսկապես պետք է անկեղծ լինել և արձանագրել, որ այս ոլորտոում իրականացվող գործընթացները դեռևս առջևում են:

Հարցազրույցի մանրամասները՝ տեսանյութում

Ռոբերտ Անանյան