25.09.2026 | 18:48
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
Էնթոնի Ջոշուայի ու Թայսոն Ֆյուրիի մենամարտի մրցանակային հիմնադրամը՝ 200 միլիոն դոլար
25.09.2026 | 17:28
Պրոֆեսիոնալ բռնցքամարտի գերծանր քաշային կարգում IBF, WBA, WBO, IBO վարկածներով աշխարհի նախկին չեմպիոն Էնթոնի Ջոշուայի ու WBC, WBO, IBO, WBA Super, The Ring, IBF վարկածներով աշխարհի նախկին չեմպիոն Թայսոն Ֆյուրիի մենամարտը տիտղոսային կլինի:
Լրագրող Մայք Կոպինջերը սոցցանցերում հայտնել է, որ վիճարկվելու է Բռնցքամարտի համաշխարհային ասոցիացիայի WBA Super տիտղոսը:
Մենամարտը տեղի կունենա դեկտեմբերի 11-ին Ուելսի մայրաքաղաք Կարդիֆի Principality ստադիոնում, որը հյուրընկալում է շուրջ 80 հազար հանդիսական:
The Athletic-ի համաձայն՝ բրիտանացի բռնցքամարտիկների մենամարտի մրցանակային հիմնադրամը կազմելու է 200 միլիոն դոլար:
36-ամյա Ջոշուան նախորդ մենամարտն անցկացրել էր 2025թ․ դեկտեմբերի 19-ին՝ 6-րդ ռաունդում նոկաուտով հաղթելով ամերիկացի բլոգեր-բռնցքամարտիկ Ջեյք Փոլին։ Պրոֆեսիոնալ ռինգում նա ունի 29 հաղթանակ ու 4 պարտություն։
38-ամյա Թայսոն Ֆյուրին ապրիլի 11-ին էր վերադարձել ռինգ՝ մրցավարների միաձայն որոշմամբ հաղթելով ռուսաստանցի Արսլանբեկ Մախմուդովին։ Ֆյուրին անցկացրել էր 38-րդ մենամարտն ու տարել 35-րդ հաղթանակ, ունի նաև ունի 2 պարտություն ու 1 ոչ-ոքի։
Դավիթ Եղիազարյան
