02.03.2026 | 16:39
ԱՄՆ-ը հայտնել է, որ Քուվեյթում երեք ամերիկյան ինքնաթիռ է խոցվել «բարեկամական կրակից»
ԱՄՆ-ը ցանկանում է, որ Թուրքիան բացի Բոսֆորն ու Դարդանելը ամերիկյան ռազմանավերի համար
Քաղաքականություն
08.12.2018 | 11:51
Պենտագոնի 3 պաշտոնյաներ հայտարարել են, թե ԱՄՆ-ն պատրաստվում է Սև ծով ուղարկել ռազմական նավեր, որի նպատակն է նվազեցնել սևծովյան ավազանում ռուս-ուկրաինական լարվածությունը։ Այդ մասին լուր է հրապարակել ամերիկյան CNN-ը՝ նշելով, որ այդ նպատակով ԱՄՆ-ի պետքարտուղարությունը դիմել է Թուրքիային, որպեսզի վերջինս Մոնտրյոյի համաձայնագրի շրջանակներում թույլատրի ամերիկյան ռազմանավերին Դարդանելի և Բոսֆորի նեղուցներով մտնել սևծովյան ավազան. փոխանցում է ermenihaber-ը:
Թեմայի վերաբերյալ մեկնաբանություն է արել Պենտագոնի խոսնակներից Էրիք Փեհոնը։ Վերջինս, չհերքելով ամերիկյան հեռուստաընկերության հրապարակած լուրը, նշել է. «ԱՄՆ ամբողջովին հավատարիմ է Մոտրյոյի համաձայնագրի շրջանակներում իր պարտավորություններին: Մենք չենք կարող հանրյանացնել մեր դիվանագիտական շփումների բովանդակությունը»։
Հիշեցնենք, որ 1936 թվականի Մոնտրյոյի կոնվենցիան սահմանում է Բոսֆոր և Դարդանելի նեղուցների նկատմամբ Թուրքիայի ինքնիշխանությունը, ինչպես նաև սահմանափակում է ոչ սևծովյան երկրների նավերի ներկայությունը Սև ծովում:
Ըստ կոնվենցիայի` Թուրքիան իրավունք ունի արտասահմանյան նավերի համար փակել նեղուցները միայն հայտարարված պատերազմի դեպքում:
