22.09.2026 | 15:13
Փաշինյանին «դավաճան» անվանած բլոգերն արդարացվել է // Բաքվի մեղադրանքը՝ Դադիվանքից խաչեր «գողանալու» շուրջ․ ԼՈՒՐԵՐ
Պատրաստ ենք հակահարված տալ Ռուսաստանի կողմից ագրեսիայի դեպքում․ Լիտվայի վարչապետ
Քաղաքականություն
22.09.2026 | 13:49
Լիտվայի վարչապետ Մինդաուգաս Սինկյավիչյուսը BBC-ի Newsnight հաղորդման ժամանակ հայտարարել է, որ Վիլնյուսը Ռուսաստանի կողմից հնարավոր սպառնալիքների պայմաններում մշակել է տարհանման ծրագրեր, սակայն ընդգծել է, որ հնարավոր հարձակման դեպքում լիտվացիները չեն պատրաստվում հանձնվել։
«[Հարձակման դեպքում] մենք հակահարված կտանք: Մենք կմտնենք պայքարի մեջ»,- հայտարարել է նա։
Վարչապետի խոսքով՝ Լիտվայի բնակիչները Ռուսաստանի կողմից մշտական սպառնալիք են զգում, այդ թվում՝ անօդաչու թռչող սարքերի՝ Լիտվայի օդային տարածք ներթափանցելու պատճառով։
«Մենք դիտարկում ենք տարբեր սցենարներ, և դրանցից ոչ բոլորն են լայնորեն քննարկվում հանրային մակարդակում։ Մենք բախվում ենք կոնկրետ սպառնալիքների․ գուցե ոչ ամեն օր, բայց մենք դրանք զգում ենք, և մեզ համար դա իրականություն է»,- ասել է Սինկյավիչյուսը։
Լիտվայի վարչապետի հայտարարությունը հնչում է մեկ շաբաթ անց այն բանից հետո, երբ ՆԱՏՕ-ի կործանիչների օդաչուները խոցել են Լիտվա ներխուժած անօդաչու թռչող սարքը։ Երկրի իշխանությունների տվյալներով՝ անօդաչու սարքն արձակվել էր դեպի Ուկրաինա և շեղվել էր իր ուղուց՝ ուկրաինական ռադիոէլեկտրոնային պայքարի միջոցների աշխատանքի հետևանքով։
Թարգմանությունը՝ Էմմա Չոբանյանի
