18.09.2026 | 18:40
Պուտինը հեռավար է քվեարկել Պետդումայի ընտրություններում
Ապամոնտաժվել է Գագիկ Ծառուկյանի Սևանի առանձնատան պարիսպը
Հասարակություն
18.09.2026 | 17:29
Գեղարքունիքի մարզի դատախազության միջնորդագրի արդյունքում ապամոնտաժվել է Սևանա լճի բացարձակ նիշից ցածր հատվածում գտնվող՝ Գագիկ Ծառուկյանի առանձնատան պարիսպը։ Դատախազությունը միաժամանակ դատարանում պահանջում է «Մուլտի գրուպ» կոնցեռնի ապօրինի տիրապետության տակ գտնվող Սևանի ափամերձ բնակելի տներն ու շինությունները վերադարձնել պետությանը։ 2025 թվականի դեկտեմբերից Սևանի ափամերձ տարածքներում արդեն ապամոնտաժվել է 205 ապօրինի շենք-շինություն։
«Գեղարքունիքի մարզի դատախազության միջնորդագրի կատարման արդյունքում, ապամոնտաժվել է Սևանա լճի՝ բացարձակ նիշից ցածր հատվածում գտնվող՝ Գագիկ Ծառուկյանի կողմից ապօրինի կառուցված Սևանի առանձնատան պարիսպը, իսկ Սևանի ափամերձ տարածքում՝ «Մուլտի գրուպ» կոնցեռն ՍՊԸ-ի ապօրինի տիրապետության ներքո գտնվող բնակելի տների ու շենք-շինությունների վերաբերյալ պետշահերի հայցը գտնվում է դատարանի վարույթում:
Հիշեցնենք, որ Դատախազության միջնորդագրերի կատարման արդյունքում, 2025 թվականի դեկտեմբերից առ այսօր, Սևանա լճի ափամերձ՝ բացարձակ նիշից ցածր 70 հողամասերում ապամոնտաժվել (քանդվել) է ապօրինի կառուցված՝ հիմնական և ոչ հիմնական 205 շենք-շինություն, «Սևան ազգային պարկ» ՊՈԱԿ-ի կողմից լուծվել (դադարեցվել) է 2 պայմանագիր»,- ասված է Դատախազության տարածած հաղորդագրությունում։
